Cennifer Eniston: “Bu filmə tamamilə qrimsiz çəkilirdim”

Aktrisa Cennifer Eniston yeni çəkildiyi “Tort” filmi üçün xarici görünüşündə etdiyi dəyişikliklərdən danışıb. 

    Aktrisa Cennifer Eniston yeni çəkildiyi “Tort” filmi üçün xarici görünüşündə etdiyi dəyişikliklərdən danışıb. Aktrsa bildirib ki, çəkilişə görə bir az kökəlmək məcburiyətində olub: “Bilirdim ki, qabaqda məni nə gözləyir, 2,5 ay qəsdən heçnə etmirdim, məşqləri atdım, pəhrizdən imtina etdim. Lakin sağlam həyat tərzi sürməyə davam edirdim, sadəcə əvvəlki kimi ağır rejimə riayət etmirdim”.  Aktrisa açıqlayıb ki, filmin çəkilişində makiyajdan istifadə olunmayıb: “Bu filmə tamamilə qrimsiz çəkilirdim və bu, çox rahatdır! Dərim dincəldi, təzələndi. Qrim olaraq üzümə ancaq çapıq çəkilirdi, canlandırdığım qadının üzündə çapıqlar var. Bunu etmək üçün bir neçə dəfə sınamaq lazım oldu, ilk dəfə çəkəndə çox məzəli alınmışdı, elə bil ki, mənim üzümü “Fredi Krüger” cırmaqlayıb”.  

 

 

Faina Əsədullayeva

 

Muz-Tv.az