İlyas Əfəndiyevin 100 illik yubileyi keçirilib

Heydər Əliyev Sarayında Azərbaycanın xalq yazıçısı, əməkdar incəsənət xadimi,  nasir, dramaturq,  Dövlət Mükafatı laureatı İlyas....

    Heydər Əliyev Sarayında Azərbaycanın xalq yazıçısı, əməkdar incəsənət xadimi,  nasir, dramaturq,  Dövlət Mükafatı laureatı İlyas Əfəndiyevin 100 illik yubileyi təntənli şəkildə qeyd olunub. Tədbirdə bir çox sənət adamları, ziyalılar, pedaqoqlar, aktyorlar iştrak edib. İlk olaraq  qonaqları salamlayan ədəniyyət və turizm naziri Əbülfəs Qarayev İlyas Əfəndiyevin gördüyü işlərdən söz açıb.

    Daha sonra isə yazıçının oğlu, baş nazirin müavini Elçin Əfəndiyev  atası İlyas Əfəndiyevə göstərilən bu diqqətdən məmnunluğunu ifadə edərək hər kəsə təşəkkürtünü bildirib. Milli Məclisin Mədəniyyət Komitəsinin sədri Nizami Cəfərov da  öz növbəsində İlyas Əfəndiyevin  keçdiyi həyat yolundan bəhs edərək böyük sənətkarın yubileyində iştirak etməkdən böyük qürur duyduğunu ifadə edib. Gecədə gənc və tanınmış musiqiçilərin ifasında səslənən xalq və bəstəkar mahnıları da tamaşaçılara təqdim edilib. Tədbirdə İlyas Əfəndiyevin pyeslərindən səhnələr göstərilib. Bu da qonaqları bir anlıq da olsa ötən illərə aparıb.

    Qeyd edək ki, tədbir  “İlyas Əfəndiyevin 100 illik yubileyinin keçirilməsi haqqında” Azərbaycan Respublikası Prezidenti İlham Əliyevin 2014-cü il 16 yanvar tarixli Sərəncamı əsasında keçirilib.

 

Elyar Sadıqlı

Ramal Gülməmmədov

 

Muz-Tv.az