“Aygün Kazımova ilə xoşbəxt son”

Xalq artisti Aygün Kazımovanın yeni fotoları yayılıb. Müğənninin studiyada yeni mahnısını yazdıran zaman çəkilən şəklini vokalçı Aylin Taşar

    Xalq artisti Aygün Kazımovanın yeni fotoları yayılıb. Müğənninin studiyada yeni mahnısını yazdıran zaman çəkilən şəklini vokalçı Aylin Taşar İnstaqramında paylaşıb.  O, fotonun yanına “Aygün Kazımova ilə studiyada. Xoşbəxt son... Səsyazma bitdi” sözlərini yazıb. Qeyd edək ki, A.Kazımova bir müddət əvvəl Altan Çətinə aid olan “Arama beni” adlı mahnı hazırlayacağını bildirmişdi.

   Müğənni Röya Ayxanla Xəyyam Nisanovun birgə ifa etdiyi “Sənə ehtiyacım var” adlı mahnıya çəkilən klip təqdim olunub.  Söz və musiqi Murad Arifə, aranjimanı Rəşad Bağırova məxsus mahnı artıq hit olmağa doğru gedir. Ekran işinin rejissoru türkiyəli Mujdat Küpşidir. Sənətçilərin imici üzərində stilist Bener Hamamcı çalışıb. Adıçəkilən simalar daha öncə Röyanın sözləri Azər Şirinin, musiqisi Pərviz Mahmudovun olan “Mən sənsiz” adlı mahnısına çəkilən klipə də ekran həyatı veriblər. "Sənə ehtiyacım var" Türkiyənin İstanbul şəhərində çəkilib. Qeyd edək ki, Röyanın növbəti konsertinin də adı “Sənə ehtiyacım var”dır. Mərasim dekabrın 19-u və 20-də Heydər Əliyev Sarayında baş tutacaq.

   Müğənni Elnarə Xəlilova yenicə Türkiyədən qayıdıb. Sənətçi qardaş ölkədə "Dayan" adlı mahnısına klip çəkdirdiyini bildirib. "Mahnı duet formasında ifa olunub. Duet ortağım Türkiyədə "Pop star" yarışmasından tanınan Barış Kömürcüoğludur. Mahnıya ekran həyatını Türkiyədə maraqlı işləri ilə tanınan rejissor Mustafa Sarıqaya verib. Klipdə tərəf müqabilim də Barışdır. Yeni yaradıcı işimiz maraqlı alınıb. Klip üçün qala-gecesi təşkil ediləcək". Mahnının söz və musiqisi bəstəkar Günel Sərdarqızına məxsusdur. Klipin təqdimat mərasimi noyabrın 27-də Nizami Kino Mərkəzində olacaq.Tədbirdə yarıdıcı heyət də iştirak edəcək.

   Müğənni İzzət Bağırzadə övladlarını necə tərbiyə etdiyindən danışıb. O, eyni zamanda valideynlərə məsləhətlər verib:

“Çalışıram ki, evdə bir çox şey uşaqların gözünün qabağında olmasın. İlk növbədə valideynlər uşaqların yanında dalaşmamalıdırlar. Ata anaya övladın gözü önündə əl qaldırmamalı, söyüş söyməməlidir. Bu cür məsələləri ayrı otaqda, ikilikdə danışmaq lazımdır. Bizim vaxtımızda bir kanal var idi, ona baxırdıq. Heç bir artıq hərəkət də olmurdu. Amma indi qardaş ölkənin neçə kanalı nümayiş olunur.Efirlərdə ancaq qucaqlaşma, öpüşmə göstərirlər. Türk serialları mətbəximizə kimi gəlib. Uşaq bütün aktyorların adını əzbər bilir. Bunlara yol verilməməlidir.”

Əhəd Miriyev                                                                                   

 

Muz-Tv.az