Emin məşhur mahnısını ispan dilində oxudu

İfaçı-bəstəkar Emin məşhur “Amor” mahnısını bu dəfə ispan dilində oxuyub. 

    İfaçı-bəstəkar Emin məşhur “Amor” mahnısını bu dəfə ispan dilində oxuyub. Eminin yeni ifası “Youtube” kanalında yerləşdirib. Müğənni “Amor”u ingilis və rus dillərində də səsləndirib. Onun klipində isə 2013-cü ilin dünya gözəli Olivye Kulpo rol alıb. Qeyd edək ki, Emin Avropa turnesi çərçivəsində fevralda Madriddə konsert verəcək. 

    Müğənni Röya Ayxan dekabrda baş tutacaq konsertinə hazırlaşır. Sənətçi həyəcan keçirdiyini bildirib. O, bu haqda İnstaqram səhifəsində yazıb: “Maraqlı şeylər baş verir. Həmişə stresdən arıqlayıram. Bu konsert stresindən isə çox yeməyə başladım. 55 kiloqram olmuşam”. Qeyd edək ki, Röyanın “Sənə ehtiyacım var” adlı solo konserti dekabrın 19-u və 20-də Heydər Əliyev Sarayında baş tutacaq.

    Müğənni Sevda Yahyayeva ilə prodüser Tarix Əliyevin yolları ayrılıb.Bu barədə Tolik sosial şəbəkədə məlumat verib: 

“Hörmətli media və İnstaqram dostlarım. İki ilə yaxındır çalışdığım müğənni Sevda Yahyayeva ilə işbirliyimə son verməyi qərara aldım. Bunu Sevdaya bildirdim, anlayışla qarşıladı. Gələcək sənət işlərində uğurlar arzu edirəm”. Tolik məsələylə bağlı həmçinin bunları bildirib: “İki ilə yaxın birlikdə işlədik. Heç kim heç kimlə ömürlük çalışmır. Aramızda qalmaqal yoxdur. Mənim hazırda çalışdığım yeganə müğənni Elton Hüseynəliyevdir. İstəsəm, xeyli sayda müğənni ilə çalışaram. Amma buna qarşıyam. Çünki dincəlməyə ehtiyacım var.

    Müğənni İlhamə Qasımova həyat yoldaşı ilə münasibətləri haqqında danışıb. “Çox tənbələm. Həyat yoldaşım da bu xasiyyətimi heç bəyənmir. Həmişə buna görə mənə irad tutur".

Mənim də ona iradlarım olur. Qurmanam, dadlı yeməklər hazırlayıram. Xörəyi tərifləməyəndə əsəbiləşirəm, mübahisə edirəm. Komplimenti xoşlayan adamam. Yeməyi hazırlayanda ilk özüm dadına baxıram. Əgər bəyənmirəmsə, hamıya deyirəm ki, dadlı alınmadı, yeməyin. Münasibəti dəyərləndirən insanam”

 

Əhəd Miriyev

 

Muz-Tv.az