Emin Ani Lorakla duet oxudu

İfaçı-bəstəkar Emin ukraynalı ifaçı Ani Lorakla duet oxuyub. 

      İfaçı-bəstəkar Emin ukraynalı ifaçı Ani Lorakla duet oxuyub. “Zavi menya” (“Məni səslə”) adlanan mahnı “Youtube”da yerləşdirilib. Qeyd edək ki, Emin dueti dekabrın 4-də “Crystal Hall”da baş tutacaq konsertində təqdim edəcəyini bildirib.  Müğənninin ad günü münasibətilə keçiriləcək konsertdə rus estradasının tanınmış simaları Stas Mixalkov, Qriqoriy Leps, İrina Dubsova, Svetlana Loboda və başqaları çıxış edəcək.

      Müğənni Nigar Camal türkiyəli məşhurlar Hande Yenər və Bərksanla bir araya gəlib. Fotolarını sosial şəbəkədə paylaşan ifaçı “Bərksan və Hande Yenərlə birlikdə Bodruma səyahət” sözlərini yazıb.

      Müğənni Günel Zeynalova və Tunar Rəhmanoğlu "Səndən insaf dilər yarın" adlı mahnını duet şəklində ifa ediblər. Bu haqda G.Zeynalovanın Azərbaycandakı meneceri Şahin Cavadsoy danışıb: "Əslində bu klip yayda çəkilmişdi. Sadəcə, Günel və Tunar mahnının ab-havasına uyğun olaraq bu ekran işini payızda təqdim etməyi lazım bildilər. Sözləri meyxanaçı Vüqar Əbdülova, musiqisi Tunarın özünə məxsus olan mahnıya türkiyəli rejissor Hasan Kuyucu quruluş verib. 

     Müğənni Dilarə Kazımova sosial şəbəkədə maraqlı fotosunu paylaşıb.İfaçı qırmızı motosikletlə çəkdirdiyi şəklinin yanına “Hər zaman bunu arzulamışam. Özü də qırmızı rəngini... Ura... Mənim qırmızı motosikletim” sözlərini yazıb.Qeyd edək ki, D.Kazımova sentyabrda Mərt Aslan adlı türkiyəli iş adamı ilə nikah masasına oturub.

 

Əhəd Miriyev

 

Muz-Tv.az