Burak Özçivit sevgilisi Fəxriyyə Evcən ilə seriala çəkiləcək

Türkiyəli aktyor Burak Özçivit yanvarda Star TV üçün yeni teleserial lentə alacaq.

   Türkiyəli aktyor Burak Özçivit yanvarda Star TV üçün yeni teleserial lentə alacaq. Aktyor özünün də rol alacağı serialda sevgilisi Fəxriyyə Evcəni də çəkəcək. Özçivit bu layihənin müqabilində şirkətdən 1.5 milyon türk lirəsi (500 min manatdan çox) alıb. Fəxriyyə isə hər seriya üçün 35 min lirə (12 min manatdan çox) əldə edəcək.

   Hollivud ulduzu Ancelina Coli paparatsilər tərəfindən qaldığı otellərdən birinin eyvanında ağlayarkən görüntülənib. Rejissoru olduğu “Unbroken” (“Qırılmaz”) filminin Avstraliyadakı qala gecəsi üçün Sidney şəhərinə yollanan 39 yaşlı A.Coli kameralar tərəfindən çəkildiyinin fərqində olmayıb. Olduqca qəmgin görünən Colinin kədərinin səbəbi naməlum qalıb.

   Türkiyəli müğənni Hadisə yeni eşqə düşüb. Gənc ifaçı yerli sahibkar Hakan Baş ilə sevgi münasibətindədir. Sevgililər şənbə günü şam yeməyinə birlikdə yollandıqları restoranda hətta rəqs də ediblər. Cütlük daha sonra məkandan birlikdə çıxıb.

   Tanınmış aktyor Kənan İmirzalıoğlu qazancını mülklərə xərcləyir.  K.İmirzalıoğlu əvvəllər İstanbulun ən gözəgəlimli yerlərindən olan Gümüşsuyu, Cihangir, Qalata, Balat və Qaraköydən torpaq satın alıb. Amma bu dəfə Marmara dənizinin ən mənzərəli hissəsi sayılan Səlimiyyədəki sahə üçün 2 milyon lirə (təxminən 700 min manat) xərcləyib. Ümumiyyətlə, Səlimiyyə təmiz havası və gözəl mənzərəsinə görə bir çox türk məşhurun istirahət məkanına çevrilib.

 

Əhəd Miriyev

 

Muz-Tv.az