Türk aktyorları Bakıda böyük coşqu ilə qarşılandı

Növbəti türk filminin Azərbaycanda reallaşan qala gecəsində qardaş ölkənin məşhur simaları böyük izdihamla qarşılaşıb. 

    Növbəti türk filminin Azərbaycanda reallaşan qala gecəsində qardaş ölkənin məşhur simaları böyük izdihamla qarşılaşıb. “Unutursam fısılda” filmini nümayiş etdirmək üçün vətənimizə ayaq basan rejissor və aktyorlar fanat ordusuna məruz qalıblar.

Daha sonra səhnəyə çıxan qonaqlar gələn tamaşaçıları salamlayıb və böyük ekranda gözlənilən film nümayiş olunub. Ardınca

Türkiyənin məşhur rejissorlarından olan, “Izsız adam”, “Dədəmin insanları”, “Tamam mıyız?” və s. izlənmə rekordları qıran filmlərin sahibi Çağan Irmak və aktyor heyəti Kerem Bursin, Farah Zeynep Abdullah, Işıl Yücesoy, Gözde Cığacı media nümayəndələrinin qarşısına keçərək onların suallarını cavablandırıblar.

    Gecədə ən çox ajiotaj yaradan, hər kəsin “Güneşi Beklerken” serialından tanıdığı Kərəm oldub: “Bu gün şəhərinizi gəzdim. Düşünürdüm ki, Azərbaycanda məni tanımırlar. Belə gözəl qarşılanmaq məni təəccübləndirdi. Bakı çox gözəldir. Bilsəydim, daha tez buraya gələrdim. Yolda bir uşaq mənlə şəkil çəkdirmək istədi. Təəccübləndim və soruşdum ki, məni tanıyırsan? Məni tanıdığını söyləyəndə çox sevindim. Azərbaycanda bu qədər sevilmək xoşdur.  "Güneşi beklerken" serialında canlandırdığım Kerem Sayar obrazı ilə tanındım. O obrazda tam fərqli insan idim. Fərqli obrazları canlandırmağı sevirəm. Mən o qədər maraqlı biri deyiləm. Həyatda çox sıxıcı insanam".

    Ekran əsərində baş rol ifaçılarından biri, “Möhtəşəm yüz yıl”ın şəhzadəsi Mustafa kimi tanıdığımız Mehmet Günsürün də tədbirə gələcəyi deyilsə də,aktyor özəl gecəyə qatılmayıb.

 

Sevda Məmmədova

Ramal Gülməmmədov

 

Muz-Tv.az