Meqan Foks yeni filmə çəkilir

Aktrisa Meqan Foks yeni filmə çəkilir. 28 yaşlı ulduz rejisor Ceyms Frankonun “Zeroviille” filmində əsas qəhrəmanın sevgilisini canlandıracaq. 

   Aktrisa Meqan Foks yeni filmə çəkilir. 28 yaşlı ulduz rejisor Ceyms Frankonun “Zeroviille” filmində əsas qəhrəmanın sevgilisini  canlandıracaq. Qeyd edək ki, drammatik komediya janrlı ekran əsəri yazıçı Stiv Eriksonun 2007-ci ildə yazdığı roman əsasında çəkilir.

   Model Kendall Cenner tanınmış  kosmetika  brendi “Estee Lauder”-in siması olub.  19 yaşlı model bu xəbəri şəxsi instaqram səhifəsində bölüşüb: “ Bu xəbəri Parisə çəkilişlərin birinə gəldikdə öyrəndim, gözlərimə inana bilmirdim! Belə bir məşhur brendin siması olduğum üçün fəxr edirəm!”.

   Müğənni Kristina Aqilera böyük fasilədən sonra yenidən səhnədə  çıxış edib. “Breakthrough Prize Awards” xeyriyyə konsertində iştirak edən  Kristina 2002-ci ilin hiti olan  “Beautiful” mahnısını  səsləndirib. 33 yaşlı məşhur ana olduğdan sonra yetərincə kilo almasına baxmayaraq, hazırda olduqca zərif görünür. Müğənni buna görə yoqaya borclu olduğunu deyib: “ Yoqayla hətta hamilə olarkən məşğul olurdum. Bu, mənim əsəblərimi sakitləşdirir, formama qayıtmaqda  kömək edir”.  Qeyd edək ki, gecənin təşkilatçısı Facebook sosial şəbəkəsinin yaradıcısı  Mark Zukenberq olub. Aksiya alimlərə maddi dəstək olmaq məqsədiylə baş tutub. Gecədə Keyt Bekinseyl, Benedikt Kamberbetç, Eddi Redmeyn, Kameron Diaz kimi ulduzlar da iştirak edib.

   Müğənni Beyonsun  bacısı Solanc Noulzun toy mərasimi baş tutub. Bir neçə vaxtdır müzakirə olunan nikah günü olduqca qeyri adi keçib. Bütün qonaqlar ağ libas, gəlin isə  kombinezon geyinib. Kilsədən sonra cütlük banketə velosipedlə yollanıb, qonaqlar isə məktəb avtobusundan istifadə edib. Toy mərasimi kinoteatrda, daha sonra şəhərin küçələrində gəzərək keçirilib.

 

Faina Əsədullayeva

 

Muz-Tv.az