Penelopa Kruz hamiləlikdən sonra kökəlməməyinin sirrini açıb

Yenicə ana olan aktrisa Penelopa Kruz hamiləlikdən sonra formada qalmasının sirrini açıb.

   Yenicə ana olan aktrisa Penelopa Kruz hamiləlikdən sonra formada qalmasının sirrini açıb: “Pəhriz saxlamıram, yetərincə çox qida qəbul edirəm, lakin artıq kilom yoxdur, bunun sirri sadəcə körpəmə ana südü verməyimdədir. Qadın orqanizmi süd verəndə günə 500 kalori itirir”. Qeyd edək ki, aktrisa “Esquire” jurnalının versiyasına görə,  “İlin ən cazibədar qadını” tituluna laiq görülüb. Penelopa bu barədə  münasibət bildirib: “ Bu fikirlə razı deyiləm. Mənim üçün bu titulun heç bir önəmi yoxdur. Hər bir qadın kimi səhərlər yuxudan duranda heç də bu ləqəbə  layiq görünmürəm, lakin özümü belə qəbul edirəm. Mənim üçün önəmli olan ailəmdir. Uşaqlarımla yetərincə vaxt keçirmək üçün il ərzində ancaq 1 çəkilişə razılaşıram. Böyük ailəmin olması mənim uşaqlıq arzum idi, indi buna yetərincə layiq olmağa və qorumaöa çalışıram. Xatırladaq ki, aktrisanın aktyor Havyer Bardemdən 3 yaşlı oğlu və 11 aylıq qızı var.

 

Faina Əsədullayeva

 

Muz-Tv.az