Aygün: “İdmanla əldə etdiyim nəticəni əməliyyatla əldə edə bilməmişəm”

Xalq artisti Aygün Kazımova yenidən əməliyyat olunduğu haqda yayılan məlumatlara aydınlıq gətirib.

   Xalq artisti Aygün Kazımova yenidən əməliyyat olunduğu haqda yayılan məlumatlara aydınlıq gətirib. O,yayılan məlumatların əsassız olduğunu bildirib: “Hələ ki, imicim hazır deyil. Hazır olanda şəhərin 90 faizinin ürəyi gedəcək. Ciddi rejimdəyəm. Axşam 12-də, yatıb səhər 7-də oyanıram, 7 kilometr qaçıram. Tennis oynayıram, üzgüçülüklə məşğul oluram. İstədiyim nəticəni əldə edəndə şoka düşəcəksiniz. İdmanla əldə etdiyim nəticəni əməliyyatla əldə edə bilməmişəm. Yaradıcılıqla məşğulam. Vətənə dönməyi planlaşdırmıram. Dekabrda məni klip çəkilişində görəcəksiniz. Klipdə heç vaxt olmadığım imicdə olacam. Fotosessiyalarımı çox bəyənəcəksiniz. Əynimdə 15-20 sm-lik parça olacaq. Geyimlərə son qoyuram, əziyyətimin nəticəsini görəcəksiniz”. 

   Xalq artisti Faiq Ağayev yeni mahnı hazırlayıb. Müğənninin “Sərxoş olacam” adlanan mahnısının sözləri və musiqisi Xanım İsmayılqızına aiddir. Qeyd edək ki, ifaçı bəstəni ilk dəfə bu gün radio verilişlərinin birində təqdim edəcək.

   Müğənni Miri Yusif "Bilmək olmaz" adlı mahnısına çəkdirdiyi klipini sevənlərinin ixtiyarına verib.Musiqisi ifaçının özünə aid olan mahnının aranjimanını Hakan Erol edib. Klipin rejissoru Fərhad Əlidir.

    Rəqqasə FatiməFətəliyevaşəxsi həyatından danışıb. O, nikahdankənar övlad dünyaya gətirməsi ilə bağlı söhbətlərə son qoyub: “Kimsə ailəsini üzə çıxarmırsa, buna normal baxıram. Vaxtilə oğlum oldu, mən gizlətdim. İndi övladımı görən şoka düşür ki, necə oldu 3 yaşında oğlun var. Uşağımı qanunla dünyaya gətirmişəm. Heç bir çərçivədən kənara çıxmamışam. Yaxınlarım bilir ki, həyatımda hər şey yaxşıdır. Oğlumun anası da, atası da var. Mənim Aydanım böyük qızdır, universitetdə oxuyur. İstəmədim ki, onun üçün sözlər desinlər. Çünki oğlum toy olmadan doğulub. Necə və nələr olduğunu açıqlamayacam”.

 

Əhəd Miriyev

 

Muz-Tv.az