Aygün Kazımova böyük konsertə hazırlaşır

Xalq artisti Aygün Kazımova Moskvaya gedib. Uzun müddətdir İstanbulda olan müğənni Rusiyaya yaradıcı işləriylə bağlı yollanıb.

    Xalq artisti Aygün Kazımova Moskvaya gedib. Uzun müddətdir İstanbulda olan müğənni Rusiyaya yaradıcı işləriylə bağlı yollanıb. İfaçının yeni fotoları sosial şəbəkədə yayılıb. Qeyd edək ki, A.Kazımova bir qədər əvvəl açıqlamasında böyük konsertə hazırlaşdığını, onun xarici ölkədə baş tutacağını demişdi.

   Əməkdar artist ElzaSeyidcahanbəstəkarları plagiatlıqda günahlandırıb:“Bəstəkarlığım pərdə arxasında qalıb. Məni sürükləyib şou-biznesə, “cəngəlliklər”ə atırlar. Özümü oradan güclə çəkib çıxarıram. Qınamıram, onların bacardığı da budur. Biz şoudan pul qazanırıq. Amma bu o demək deyil ki, ancaq şou adamıyıq. İndi iki-üç nəfər gündəmdə olan bəstəkar var, onlar da oturub kompüter qarşısında plagiat musiqilər hazırlayırlar. Hətta əməkdar artistlərimiz də var ki, mahnı bəstələyir, hamısı da plagiatdır. Sübut edərəm, o mahnıları üzə çıxardaram da... Amma istəmirəm kimlərisə mühakimə edim”.

     Müğənni Röya Ayxan burun əməliyyatı etdirib. Sənətçi bu haqda İnstaqram səhifəsində yazıb.“Yeni burnumla sizi salamlayıram. Amma bilirəm, siz yenə də nəsə tapıb deyəcəksiniz. Düzələn deyilsiniz, qadanız alım” - deyə ifaçı bildirib.

    Müğənni Könül Kərimova 5-6 aydır pəhriz saxlayır. Ifaçı hansı yolla çəki atdığının sirrini açıb: “Bilirəm nəyi qədərində yemək lazımdır. Ciddi pəhrizdən istifadə etmirəm. əsəblərimi pozur. İnsan yeməyə baxa-baxa ac qala bilməz. Dadlı xörəyə necə toxunmayasan? Bu, pisdir. Elə qidalardan istifadə edirəm ki, tez doyuram. Çörək, meyvə yemirəm. Bilirəm ki, mənə un məmulatları ziyandır. Kimisə meyvə arıqladır, mənə isə əks-təsir göstərir. Yeməyimin həcmini azaltdım. Gündə bir dəfə, ən çox iki dəfə yeyirəm”.

 

Əhəd Miriyev

 

Muz-Tv.az