Vasif Məhərrəmli: “Elza, bu saçla maşınıma yerləşməzsən”

Müğənni Vasif Məhərrəmli əməkdar artist Elza Seyidcahanla bağlı maraqlı hadisə danışıb. 

    Müğənni Vasif Məhərrəmli əməkdar artist Elza Seyidcahanla bağlı maraqlı hadisə danışıb. Ifaçı həmkarının qeyri-adi saç düzümünü ələ salıb: “Elza hər zaman qeyri-adi saç düzümü ilə görünür. Bir dəfə verilişlərin birində qonaq olmuşduq. Elza qəribə saç düzümü etdirmişdi: başında böyük çubuqlar var idi. Verilişdən sonra dedi ki, məni evə apar. Söylədim mümkün deyil, Elza, bu saçla maşınıma yerləşməzsən axı, necə aparım? Oturub orda Elzanın başındakı çubuqları çıxardıq. Bir “şələ” çubuq çıxdı. Sonra maşına oturdub evinə yola saldım”.

    Meyxanaçı Namiq Qaraçuxurlu uzun fasilədən sonra yenidən sevənlərinin qarşısına çıxacaq. Sənətçi bu haqda İnstaqram səhifəsində yazıb:“Dostlarıma, tanışlarıma salam. Müəyyən səbəblərdən uzun zamandır sizinlə deyiləm. Bu fasilənin səbəbini açıqlamadım ki, şouya çevrilməsin. Artıq yavaş-yavaş görünməyə qərar vermişəm. Sizin üçün çox darıxmışam. Mənə qarşımda eyni hissi keçirən, hər gün fotolarıma yazılan şərhlərdə məni görünməyə səsləyən insanların qarşısında baş əyirəm və sonsuz təşəkkürümü bildirirəm. Biz yenidən birlikdəyik. Allah dünyasını dəyişənlərə rəhmət eləsin. Səbriniz tükənməz, canınız sağ olsun”. Qeyd edək ki, meyxanaçı bir müddət əvvəl xalasının dünyasını dəyişdiyini bildirmişdi.

    Rəqqasə Oksana Rəsulova “Qarabağ” futbol komandasının azarkeşi olduğunu bildirib. Sözügedən komandanın formasında fotosunu sosial şəbəkədə paylaşan rəqqasə “Mən “Qarabağ” futbol komandasının xanım azarkeşiyəm. Səni sevirəm “Qarabağ”. Sənə uğurlar və hədiyyə üçün çox sağ ol”şərhini yazıb

     Rəqqasə Fatimə Fətəliyeva Hindistanda keçirilən məşhur “Udbhav İnternational Dance Carnival” rəqs müsabiqəsinin qalibi olub. Hazırda həmin ölkədə olan rəqqasə təəssüratlarını bölüşüb: “Bu, mənim Hindistana 3-cü səfərim idi. Festivala dəvət olunanda ilk öncə tərəddüd elədim. Amma daha sonra qatılmaq qərarına gəldim. Çünki özümə çox inanırdım. Müsabiqə çərçivəsində 6 gün konsert oldu. Sonuncu gündə qala konsert keçirildi və sonda yarışmanın nəticələri açıqlandı. Qalib oldum. İndi çox yorğunam. Çünki burada olduğum hər gün səhər ekskursiya, axşam isə müsabiqə olurdu. Dincəlməyə vaxtım yox idi. Amma qazandığım uğur bütün yorğunluqlara qalib gəldi. Qala gecəsində Hindistanın müxtəlif bölgələrindən iştirakçılar çıxış etdilər. Rusiya, Qazaxıstan və dünyanın digər yerlərindən olan iştirakçılar da öz məharətlərini sərgilədilər.. Daha sonra növbə mənə çatdı. Mən də milli “Uzundərə” rəqsimizlə öz məharətimi göstərdim. İki diplom və əsas mükafatı əldə etdim. İkinci yeri Hindistan, üçüncü yeri isə Rusiya təmsilçisi qazandı. Qalib olduğumuza görə çox sevincliyəm. Çünki bu tək mənim yox, Azərbaycanımızın uğurudur”.

 

Əhəd Miriyev

 

Muz-Tv.az