Mark Entoni ailə qurmağa hazırlaşır

Müğənni Mark Entoni venesuellalı model Şennon de Lime ilə evlənməyi planlaşdırır. 

    Müğənni Mark Entoni venesuellalı model Şennon de Lime ilə evlənməyi planlaşdırır. Toy noyabrın ortasında keçiriləcək. Cütlük Dominikanda yaxınlarının iştirakı ilə nikah andı içəcək. Xatırladaq ki, Markla Şennon 2012-ci ildən birlikdədirlər. Onlar 2013-cü ildə ayrılsalar da, barışaraq toy etmək qərarına gəliblər.  Qeyd edək ki, M.Antoni daha əvvəl dünya şöhrətli müğənni Cennifer Lopezlə ailəli olub. Onların Maks və Emmi adlı əkizləri var.

   Dünyaca məşhur müğənni Rihanna fotoları ilə sevənlərini təəccübləndirməyə davam edir.Ifaçı bu dəfə "Esquire" dərgisinin Britaniya buraxılışı üçün kamera qarşısına keçib. Fotoqraf Ellen fon Unvertin çəkdiyi şəkillərdə Rihanna yarıçılpaqlığı ilə diqqət çəkib. Sulu saçları və çılpaq bədəni ilə dünya ulduzu seksual obraz yaradıb. Fotolarla yanaşı Rihanna müsahibə verərək, məşhur piroqunun reseptini sevənləri ilə paylaşıb. 

   Meksika və Amerikanın məşhur kino aktrisası Salma Hayek fotosessiya üçün obyektiv qarşısına keçib. Gecə libası ilə hovuzda poz verən aktrisa oradan çıxarkən çətin anlar yaşayıb. Salma paltarının yaxasının açılmaması üçün onu əli ilə saxlamalı olub.

   Dünya şöhrətli müğənni Beyons öz brendini yaratmaq qərarına gəlib. “Topshop” adlı tədbirə qatılan ifaçının əynində 130 dollarlıq libas olub. Ötən il təxminən 80 milyon manat qazanan ulduz bununla ucuz paltarla da gözəl görünməyin mümkünlüyünü sərgiləyib. 33 yaşlı Beyons hazırda hər kəsin ala biləcəyi qiymət aralığında olan libaslar hazırlayıb, öz markasını yaratmaqla məşğuldur. Müğənni artıq “Topshop” üçün gündəlik ucuz geyimlərdən ibarət kolleksiyasını da nümayiş etdirib.

 

Əhəd Miriyev

 

Muz-Tv.az