Gülyanaq Məmmədova: “Mənim çox şirin qayınanam var”

Əməkdar artist Gülyanaq Məmmədova qayınana-gəlin münasibətindən danışıb. 

     Əməkdar artist Gülyanaq Məmmədova qayınana-gəlin münasibətindən danışıb. İfaçı yaxşı qayınana olacağını deyib: “Qayınanaları pis formada qələmə verməyin. Mənim çox şirin, yaxşı qayınanam var. Hər evin bir qaydası, tərbiyəsi, quruluşu olur. Ona görə də, kimisə günahlandırmazdan əvvəl araşdırmaq lazımdır: kimdir günahkar – gəlin, yoxsa qayınana? Mən də hərdən fikirləşirəm ki, yaxşı qayınana olacam. Bu zəhmətlə oğul böyüdürəm. Ona görə də, elə qız seçməliyəm ki, yaxşı olsun. Gəlin qarpız kimidir, alırsan, bilmirsən necə çıxacaq”.

    Müğənni Röya Ayxanın növbəti solo konsertinin vaxtı bəlli olub. Sənətçi dekabrın 19-da “Mən sənsiz” adlı konserti ilə çıxış edəcək. Mərasim Heydər Əliyev Sarayında baş tutacaq. “Mən sənsiz” ifaçının yeni işıq üzü görən mahnılarından biridir. Bəstənin sözləri Azər Şirinə, musiqisi Pərviz Mahmudova aiddir. Qeyd edək ki, Röya bu ilin yanvarında da Heydər Əliyev Sarayında üçgünlük konsert proqramı ilə çıxış etmişdi.

    Müğənni Vasif Məhərrəmli gec ailə qurmasına görə peşman olub. “31 yaşımda ailə qurmuşam. Qızım Əfşan doğulandan sonra peşman oldum. Dedim niyə mən tez evlənmədim? Başa düşdüm ki, ailə qurmaqda gecikmişəm. İndi qızımın 12 yaşı var”. Qeyd edək ki,V.Məhərrəmli ikinci dəfə ailə qurub. İfaçının bu evlilikdən bir oğlu var.

     Müğənni Xatun Əliyeva “Günəbaxan” verilişində özü ilə bağlı etiraf edib. Sənətçi əsl adının Nərgiz olduğunu deyib: “Sənətə yeni gələndə xalq artisti Firəngiz Mütəllimovanın bacısı Nərgiz Mütəllimova, Nəzakət Teymurovanın bacısı Nərgiz Teymurova fəaliyyət göstərirdi. Prodüserim dedi ki, Nərgiz adı çoxdur, gəl, dəyişək. Bu addan utanmıram. Əksinə çox gözəldir. Hətta indi ailələr var ki, qızlarına Xatun adı verirlər”.

 

 

Əhəd Miriyev

 

Muz-Tv.az