İfaçı-bəstəkar Emin Stas Mixaylovla duet oxuyub

İfaçı-bəstəkar Emin rusiyalı ifaçı Stas Mixaylovla duet oxuyub. 

    İfaçı-bəstəkar Emin rusiyalı ifaçı Stas Mixaylovla duet oxuyub. “Bereqa” (“Sahil”) adlanan bəstə ilk dəfə ötən həftə Stasın Kreml Sarayındakı konsertində təqdim edilib. Emin həmçinin mahnının dekabrın 4-də Bakıda “Crystal hall”da təqdim olunacağını bildirib. Qeyd edək ki, o, Stas Mixaylovun konsertinə anası İrina Ağalarova ilə birlikdə qatılıb.

    Müğənni Samira Allahverdiyeva və xalq artisti Alim Qasımovun qızı, əməkdar artist Fərqanə Qasımova duet şəklində səsləndirdikləri mahnını təqdim edib. “Ya Allah” adlanan bəstənin sözləri Sevinc Şirinə, musiqisi Cəmil Məmmədliyə, aranjimanı isə Azad Vəliyevə məxsusdur

     Müğənni Ayan Babakişiyeva “Səndən sonra” adlı yeni mahnı üzərində çalışır. Bəstənin sözləri və musiqisi Tural Bayraməliyevə məxsusdur. Hazırlıq prosesi tamamlanmaq üzrə olan “Səndən sonra”da müxtəlif alətlərin ifası yer alıb və bunlar İstanbulda türkiyəli musiqiçilər tərəfindən səsləndirilib. A. Babakişiyeva bəstə üzərində ötən aydan çalışdığını bildirib. Sənətçi bu formatda mahnı indiyədək oxumadığını söyləyib. İfaçı "Səndən sonra"ya klip də çəkdirməyə hazırlaşır.

    Rəqqasə-müğənni Sevda Sanəliyevanın hər kəsdən gizli saxladığıtoy və ZAQS mərasimində lentə alınan fotolarıyayılıb.Qeyd edək ki, S.Sanəliyeva bu ilin iyununda nikah masasına oturub. Ifaçı ailə qurmasını əvvəlcədən hər kəsdən gizlədib. Hazırda beş aylıq hamilə olan S.Sanəliyeva oğlu olacağını bildirib. O, övladına Uğur adını verəcək.

 

Əhəd Miriyev

 

Muz-Tv.az