Qənirə Paşayeva formada qalmasının sirrlərini açdı

Millət vəkili Qənirə Paşayeva pəhriz ilə xeyliçəki atmasıbarədə danışıb.

    Millət vəkili Qənirə Paşayeva pəhriz ilə xeyliçəki atmasıbarədə danışıb. Millət vəkili gənc qızlara tövsiyə də verib: "Sadəcə həyatımı dəyişdim. Uşaqlıqdan gəncliyimə qədər çox arıq idim və idmanla məşğul olurdum. Böyük tennis və həndbolla məşğul idim. Həyatımın bir dövründə idmanla məşğul ola bilmədim və çəkim artdı. Səhərlər işə tələsdiyimdən yemək yemirdim, günorta yemirdim, axşamlar çox ac olurdum və xeyli yemək yeyirdim. Bu rejim məni kökəltdi. Film çəkilişləri ilə bağlı Amerikada bir müddət qalanda “fast food”la qidalandım. Çəkim getdikcə artdı və mən yeməkdən imtina etmək istədim. Bu, mənə çox mənfi təsir elədi. Yemək yemədən pəhriz saxlayan gənc qızlara demək istəyirəm ki, bu fikirdən uzaq olsunlar. Bunun ən yaxşı yolu idman və düzgün qidalanmadır. Mən pəhriz saxlayan zaman axşam yeməyindən ağır yeməkləri çıxartdım və öz çəkimi normal hala saldım".

   Müğənni Xatirə İslam qayınanasından danışıb. Sənətçi açıqlamasında onunla münasibətlərinin hər zaman gözəl olduğunu deyib. Xatirə İslam bir vaxtlar oxuyacağını söylədiyi qalmaqallı mahnının adını da açıqlayıb: “Bu mahnını oxumaq istəmirəm. Çox qalmaqallı mahnıdır. Adı “Qayınanamın adını zəhərli ilan qoydum”dur. Düzdür, qayınanamla münasibətim çox yaxşıdır. Bu mahnının ona aidiyyatı yoxdur. Onu bayramdan bayrama görürəm. Belə olanda mehribançılıq, hörmət də yaranır. Bizə gələndə sevdiyi yeməkləri hazırlayıram. Hətta onun evinə getməyə vaxtımız olmayanda Fəxrəddini ( həyat yoldaşı – red.) yollayıram. Neçə il övlad böyüdüb, onu atmaq olar? Övlad, arvad tapmaq mümkündür, amma ananı tapmaq olmaz. Qayınanamın 60 yaşı var, necə ona cavab qaytara bilərəm? O özü də elə şərait yaratmaz ki, mən inciyim. Bu, Kibariyənin mahnısıdır. Qorxuram ki, bunu oxuyandan sonra qayınanalar mənlə düşmən olar. Düzdür, evdə məsləhətləşdim, dedilər ki, oxu, problem deyil”.

     Müğənni Ramal İsrafilov “Dərdliyəm” adlı yeni mahnısını dinləyicilərin ixtiyarına verib. Bəstənin sözləri Cəlal Qurbanova, musiqisi isə sənətçinin özünə aiddir.

    Azərbaycanın tanınmış rəqqasəsi Fatimə Fətəliyeva Hindistanda keçirilən “Udbhav international Dance Carnival” festivalına qatılıb. Hazırda Hindistanda olan rəqqasə təəssüratlarını bölüşüb: “Artıq bütün komanda heyətimizlə Hindistandayıq. Bizi burada çox yaxşı qarşıladılar. Bu gün festivalın açılışı olacaq. Bundan əlavə 6 qala konsert keçiriləcək. Burda Azərbaycan milli rəqslərinə xüsusi bir diqqət gördüm. Sözügedən festivalda Azərbaycandan savayı, Rusiya, Qırğızıstan, Bolqarıstan və bir sıra ölkələrdən iştirakçılar qatılıb. Azərbaycanı yalnız mən təmsil edirəm. Çox məsuliyyətli bir işin altına girmişəm. Çox həyəcanlı və sevincliyəm. Azərbaycanı tərk etdim. İnanıram ki, yaxşı nəticə ilə Azərbaycana qayıdacam”. 

 

Əhəd Miriyev

 

Muz-Tv.az