Cennifer Lopez: “Mən istərdim ki, biz bir yerdə qocalaq”

Şəxsi həyatı ilə hər zaman gündəmdə olan müğənni Cennifer Lopez maraqlı müsahibə verib. 

     Şəxsi həyatı ilə hər zaman gündəmdə olan müğənni Cennifer Lopez maraqlı müsahibə verib. O, Ben Affleklə olan münasibətlərindən söz açıb: “Biz Benlə heç gözləmədiyim anda ayrıldıq, bu, mənim üçün böyük zərbə idi, düşünürdüm ki, heç vaxt ayrılmayacayıq. İnsanlar mənəvi yaralarını başqa-başqa üsullarla sağaltmağa çalışır, kimisi içir, kimisi gecə klublarında fikrini dağıdır, mən isə xoşbəxtliyi başqa insanlarda axtarırdım, istəyirdim ki, kiməsə lazım olduğumu hiss edim və o zaman həyatıma Mark gəldi. Markla bizim münasibətimiz heç də mükəmməl deyildi, lakin bir yerdə xoşbəxt idik. Böyüdüyüm ailədə boşanmaq dəhşətli bir hərəkət sayılırdı və mən 2 dəfə ayrılıq yaşadıqdan sonra Markla da hər şeyin belə alınmasına məyus olurdum. İstərdim ki, biz bir yerdə qocalaq. Amma o, bizim ailəmiz uğrunda heç də əziyyət çəkmək istəmədi, boşanmağı seçdi. Boşandığımız gün həyatımın ən çətin günü idi”. Şəxsi həyatında bəxtinin gətirmədiyini deyən CeyLo bunun səbəblərindən danışıb: “Dəlicəsinə sevgisini vurğulamaq naminə pəncərəmin qabağında  1000 dənə havaya uçan göyərçin, “Bentley”, şəxsi təyyaralər, Avropada gəzintlilər, qeyri-adi brilyantlar hədiyyə edən kişilərin məni sevdiyini düşünürdüm,  lakin bu sevgi yox, ehtiras idi. İndi bunların heç biri mənə lazım deyil”. 

 

Faina Əsədullayeva  

 

Muz-Tv.az