Ədalət Şükürov həyat yoldaşını qısqanmır
Əməkdar artist Ədalət Şükürov həyat yoldaşını qısqanmır. “Qısqanc deyiləm.
Əməkdar artist Ədalət Şükürov həyat yoldaşını qısqanmır. “Qısqanc deyiləm. Hardasa dostlarımızla bir yerdə oturanda xanımımı qısqanmıram. Dostum həyat yoldaşımı rəqsə dəvət etsin, mən onun xanımını oynamağa çağırım - belə hallara pis baxmıram. Bunlara normal yanaşıram. Burada nə var ki, dost məclisindəyik. Amma qısqanılmaq xanımların xoşuna gəlir. Mənim kiminsə uğuruna da qısqanclığım olmur. Uşaqlıqdan heç vaxt ehtiyac içində böyüməmişəm. Anam hər zaman mənə ən yaxşı geyimi geyindirib, ətiri vurub. Dostlarım ev, maşın alanda məndən məsləhət istəyir. Şad oluram, pis gözlə baxmıram”.
Əməkdar artist Cavanşir Məmmədov gənc xanım ifaçılara əsəbləşib. Müğənni gənclər arasındakı qalmaqalı qınayıb:“Sənətdə vəziyyət bir az xoşagəlməzdir. Efirlərə baxırıq, hər kəsi izləyirik. Yaşımız nisbətən başqalarından çoxdur. Gənc xanım ifaçılarımız bir-biri ilə yola getmir. Onlardan baş açmaq olmur. Camaat sizə baxır. Hər bir veriliş maarifləndirici xarakter daşıyır. Biz mədəniyyətimizə xidmət etməliyik. Ötən gün efirdə Sevda Ələkbərzadəni gördüm. Çox sevindim ki, qulaq asım, ürəyim açılsın. Efirlərə Tünzalə Ağayeva, Sevda, Samirə kimi ifaçıları çıxarmaq lazımdır. Üç-beş nəfərin gedib xaricdə konsert verməsi ilə hər şey bitmir”.
Əməkdar artist Lalə Məmmədova fobiyasından danışıb. Müğənni yekəpər insanlardan qorxduğunu deyib: “Bu fobiya, bəlkə də, başqalarına gülməli gələcək. Amma mən yekəpər insanlardan qorxuram. Elə adam görəndə qaçıram. Uşaqlıqdan beləyəm. İndi neçə yaşım var, yenə də bu fobiyamı unutmamışam. İnsanlar heyvandan, həşəratdan qorxur. Amma mən heç vaxt heyvanlardan qorxmuram”. L.Məmmədova qızının heyvan sevgisindən də danışıb:“Qızım heyvanları çox sevir. Hətta evdə saxlamaq da istəyir. Amma icazə vermirəm. Həyət evində olar, bina evində bu mümkün deyil. Gündə bir heyvan istəyir: balıq, it, pişik, tısbağa”.
Müğənni Zamiq Hüseynov toy mövsümünün başa çatmasından istifadə edib istirahətə yollanıb. Müğənni İstanbula gedib. Z.Hüseynov gəzintidən fotolarını İnstaqram səhifəsində yerləşdirib. O, eyni zamanda yeni mahnı hazırladığını da vurğulayıb. “Var onun öz dünyası, mən isə xəbərsiz” adlanan bəstənin müəllifi MC Muraddır.
Əhəd Miriyev
Muz-Tv.az