Dünya ulduzları Rihanna və Mayli Sayrus geyimləri ilə diqqət çəkdilər

Hər zaman cəsarətli libasları ilə gündəmdə olan iki dünya ulduzu – Mayli Sayrus və Rihanna ötən gün QİÇS xəstəliyi ilə bağlı araşdırmalara dəstək...

    Hər zaman cəsarətli libasları ilə gündəmdə olan iki dünya ulduzu – Mayli Sayrus və Rihanna ötən gün QİÇS xəstəliyi ilə bağlı araşdırmalara dəstək olan kampaniyalardan birinin xeyriyyə gecəsinə qatılıblar. Müğənnilər tədbirdə sinə dekolteli paltarları ilə diqqət çəkiblər. 21 yaşlı Mayri transparan, Rihanna isə dərin yarıqlı libasıyla gecəyə öz damğasını vurub.  Xeyriyyə kampaniyasına qoşulanlar arasında Qvinet Peltrou və başqa tanınmışlar da olub.

    Mahsun Kırmızıgülün prodüserliyi ilə çəkilən “Aşkın dili yok” filmində rol alan aktrisa Dəniz Çakır sosial şəbəkədə maraqlı fotosunu paylaşıb. Boyu 2 metrə çatan “Danua” cinsli iti ilə şəkil çəkdirən aktrisa fotoya “Bir dost” sözlərini yazıb. D.Çakırın itinin boyu hər kəsi çox təəccübləndirib.

    “Vampir gündəlikləri və “Orijinallar” seriallarından tanınan ingilis əsilli amerikalı aktyor Cozef Morqanın məşhur türkiyəli aktyor Kıvanç Tatlıtuğla inanılmaz oxşarlığı meydana çıxıb. “Facebook” sosial şəbəkəsində şəkilləri paylaşılan aktyorlar istifadəçilər tərəfindən əkizlərə bənzədilib.

    Türkiyəli müğənni Hadisə “İnStyle” dərgisinə müsahibə verib.Ailəsindən və işlərindən danışan ifaçı qardaş ölkədə yaşamağın çətin olduğunu deyib:“Həmişə gözəl və xoşbəxt görünməyə çalışmaq çox çətindir. Təəssüf ki, bizim ölkədə kişilərlə müqayisədə, qadınların üstünə daha çox gedirlər. İnsanlar həddindən artıq rəhmsizdirlər. Sentyabrda 10 qadın haqqında danışırdılarsa, onlardan biri də mən idim”. Qeyd edək ki, Hadisə jurnal üçün yeni fotosessiya da etdirib.

 

Əhəd Miriyev

 

Muz-Tv.az