Aygün Kazımova və Namiq Qaraçuxurlu yenidən bir arada

Xalq artisti Aygün Kazımova İnstaqram səhifəsində keçmiş sevgilisi, duet ortağı, meyxanaçı Namiq Qaraçuxurlu ilə videosunu paylaşıb.

     Xalq artisti Aygün Kazımova İnstaqram səhifəsində keçmiş sevgilisi, duet ortağı, meyxanaçı Namiq Qaraçuxurlu ilə videosunu paylaşıb. Toy məclislərindən birində bir araya gələn ifaçılar “Qısqanıram” mahnısını oxuyublar. Cütlüyün yenidən eyni səhnəni paylaşması və yayılan videoları sosial şəbəkədə maraqla qarşılanıb. Qeyd edək ki, A.Kazımova və Namiq Qaraçuxurlu işbirliklərini bitirdikdən sonra uzun müddət küsülü qalıb. Cütlük mayda şəhərdə keçirilən konsertdə bir araya gələrək barışığa imza atıb.

   “Eurovision 2011” qalibi Nigar Camal uzun fasilədən sonra yeni klip çəkdirib. “Yalan” adlanan ekran işi mayda Xızıda ukraynalı rejissor Aleks Lamahom tərəfindən lentə alınıb. Mahnının musiqisi müğənninin prodüseri İsa Məlikova, sözləri isə onun həyat yoldaşı Paulina Məlikovaya aiddir. Klipdə rollardan birini aktyor Rauf Əhmədov oynayıb. Ekran işində Nigarın imici üzərində stilist Syama və vizajist Fazilə Rəcəbova çalışıb.

   Sevgilisi müğənni Günay İbrahimliyə sürpriz edib. Sənətçi onun aldığı boyunbağının fotosunu İnstaqram səhifəsində paylaşaraq “Sevgilimdən hədiyyə. Diqqətinə görə, çox sağ ol” sözlərini yazıb. Qeyd edək ki, G.İbrahimli açıqlamasında həyatında birinin olduğunu etiraf etmişdi.

   “Eurovision 2014” təmsilçimiz olan Dilarə Kazımova və həyat yoldaşı Mərd Aslanın “Love story” fotosessiyasından şəkillər yayılıb. Şəkilləri fotoqraf Nigar Tahirova sosial şəbəkədə paylaşıb. Qeyd edək ki, D.Kazımova və M.Aslanın toyu sentyabrın 20-də baş tutub.

 

Əhəd Miriyev

 

Muz-Tv.az