Sevda ilə duetləri sual altında qalan “Dostlar”: “Kimlərinsə reklamına ehtiyacımız yoxdur”

“Dostlar” qrupu digər həmkarlarına meydan oxuyub: “Dostlar” qrupunun kimlərləsə reklama ehtiyacı yoxdur. 

     “Dostlar” qrupu digər həmkarlarına meydan oxuyub: “Dostlar” qrupunun kimlərləsə reklama ehtiyacı yoxdur. Çünki biz iki ildən çoxdur ki, fəaliyyət göstəririk. Xalq artisti Faiq Ağayev, müğənni Elnarə Xəlilova, Fuad Dadaşov, meyxanaçı Namiq Qaraçuxurlu kimi sənətçilər öz sözünü demiş insanlardır və onlarla duet oxumaq fəxrdir. Sadəcə olaraq biz məqsəd güdməmişik ki, onların sayəsində populyar olaq”.

    Bütün bu iddialı açıqlamalar “Dostlar”ın Sevda Yahyayeva ilə planlaşdırdığı birgə layihəsindən qaynaqlanır. Kanalların birində duet oxuyacaqlarını deyən həmkarları bu fikrindən döndərən səbəblər var: “Bu duet hələ tam dəqiqləşməyib, sual altındadır. Çünki sonradan bəzi problemlər yaşandı. Uzun söhbətdir, bu haqda çox danışmaq istəmirik. Çünki biz müsahibə veririk və sabahsı gün elə hal baş verir ki, hər şey alt-üst olur”

    Hələ təqdim olunmamışdan ətrafında qalmaqal yaranan duetin aqibətinin necə olacağı bilinməsə də, bu üç yaraşıqlı oğlan yaradıcılığını davam etdirir. Belə ki, qrupdan növbəti yeni “Söz” adlı mahnı gəlir.

    Gənclər noyabr, dekabr aylarında tələbələr üçün konsert verəcəylərini söyləyiblər. Onlar ölkənin 5 universitetində canlı ifa edəcəklər.

 

Sevda Məmmədova

Vüsal Həşimov

 

Muz-Tv.az