Emin yeni albom üzərində işləyir

İfaçı-bəstəkar Emin yeni albom üzərində işləyir. İfaçı “Naçistotu” (“Sözün düzü”) adlanan albomu ilə bağlı İnstaqram səhifəsində yazıb. 

    Müğənni Nigar Camal qızları ilə Fransaya yollanıb. İfaçı övladları Jasmin və Səidə ilə fotolarını İnstaqram səhifəsində paylaşıb. O, şəkillərin yanında “Bizim Fransa səfərimiz. Mənim şirin balalarımla Disneylənddə” sözlərini yazıb.

    Müğənni Elnur Məmmədova film təklifi gəlib. “Qonşunun oğlu” klipim çox bəyənilib. Mənə təklif gəlib ki, bu ssenari əsasında film çəkilsin. Əgər razılıq versəm, bu layihə baş tutacaq. Klip Zirədə çəkilib. Burada bakılı oğlan obrazını canlandırmışam. Maraqlı alınıb”.Qeyd edək ki, ekran işində xalq artisti Nuriyyə Əhmədova da rol alıb.

    Müğənni Vasif Məhərrəmli gəlin-qayınana münasibətlərindən söz açıb. Sənətçi belə məsələlərdə hər zaman qayınananın tərəfində durduğunu deyib: “Mənim üçün hər halda qayınana haqlıdır. Əgər mübahisə olursa, gəlin düzdürsə, mən yenə qayınanaya haqq qazandırıram. Bəzi hallarda “Gəlin evin süpürgəsidir” ifadəsi ilə də razıyam. Bu, xalqdan gələn bir kəlamdır, amma bəzən ailədə yerini tapır. Gəlin hər zaman qayınana qarşısında səhvdir. Yerini bilməlidir, mübahisə etməməlidir. Gəlinin nə həddinə qayınanaya desin ki, sən səhvsən? Qayınana onu gətirib evin başına qoyub, ailə sahibi edib. Gəlin niyə onun üzünə ağ olur? Əgər ailədə hər kəs öz yerini, həddini bilərsə, həyat gözəl olar. Əlbəttə ki, bu sözləri insanlığı olan ailələr üçün deyirəm. Bu fikir mənim qızıma da, bacılarıma da aiddir”.

 

Əhəd Miriyev

 

Muz-Tv.az