Səməd Səmədovun itinin toyu gecikir

Xalq artisti Səməd Səmədov itinə toy edəcək. İfaçı açıqlamasında bunları deyib: “Nadir Qafarzadənin iti ilə mənim itimi evləndirməliydik. 

    Xalq artisti Səməd Səmədov itinə toy edəcək. İfaçı açıqlamasında bunları deyib: “Nadir Qafarzadənin iti ilə mənim itimi evləndirməliydik. Qohum olacaqdıq. Amma Əli Mirəliyev çıxıb danışdı ki, bu nə hərəkətdir? Biz də dayandırdıq. Gələcəkdə ola bilsin ki, yenidən toy edək”.

    Əməkdar artist Elza Seyidcahan gəlininə olan sevgisindən bəhs edib. Müğənni hər kəsə özününkü kimi gəlin arzulayıb:

“Gəlinimi çox sevirəm. Hamı arzulayır ki, Allah ona ağıllı bir gəlin qismət etsin. Mən bu istəyimə çatmışam. Mənə qulluq edən, gözəl gəlinim var. Allah bu sevgini çox görməsin”.

Yaradıcılığından söz açan E.Seyidcahan toylardan asılı olmadığını deyib:“Toylardan pul qazanıram, amma balans saxlayıram. Sənətimə də yer ayırıram. Toyum olmasa, acından ölmərəm. İndi müğənnilər özlərini başqa yollarla gündəmə gətirirlər. Yalandan ərə gedirlər. Tərbiyədən uzaqdırlar. Onlar arasında xalq artistləri, əməkdar artistlər də var. Bunlar gənc müğənnilərimizi uçuruma aparırlar. Gənclər onlara baxır, deyir, bunun yolu ilə getmək lazımdır”.

    Müğənni Röya Ayxan arıq olması ilə bağlı suallara son qoyub. Sənətçi İnstaqram səhifəsində pəhrizi ilə bağlı bunları yazıb:“Hər dəfə soruşursuz ki, mən necə belə arıq qalıram. Sirrini açım: hər səhər qəhvə içirəm. Qara şokoladsız yaşaya bilmərəm. Hərdən də yemək yeyirəm”. Qeyd edək ki, R.Ayxan hər zaman 50 kiloqram olduğunu bildirib.

    Sosial şəbəkədə müğənni Nadir Qafarzadənin maraqla qarşılanan videosu yayılıb. “Fort Boyard” yarışmasında lentə alınan görüntülərdə sənətçinin qorxudan qışqırması yer alıb. Belə ki, yarışmanın qaydalarına əsasən akvarium aşağı doğru enir və Nadir içəridə ilanı görüb qışqırmağa başlayır.

 

Əhəd Miriyev

 

Muz-Tv.az