Makedoniyanın “Eurovision”təmsilçisi əslən türk olduğunu açıqladı

Bu gün “Eurovision” mahnı müsabiqəsinin ikinci yarımfinalında çıxış edəcək ölkələrin təmsilçiləri ...  

Bu gün “Eurovision” mahnı müsabiqəsinin ikinci yarımfinalında çıxış edəcək ölkələrin təmsilçiləri "Bakı Kristal Zalı"nda məşq keçiblər. Ölkələr arasında Serbiya, Makedoniya, Niderland, Malta ,Belarus, Portuqaliya ,Ukrayna və Bolqarıstan yer alıb. Günə ilk olaraq Serbiyanı "Eurovision 2012" müsabiqəsində “Nije Ljubav Stvar"mahnısı ilə təmsil edən Zeljko Joksimovic başlayıb. Mahnısının ilk məşqini keçirdikdən sonra iştirakçı mətbuat nümayəndələrinin suallarını cavablandırıb və fanatları ilə şəkil çəkdirib. Makedoniya təmsilçisi Kaliopi Bukle isə ilk məşqını keçirdikdən sonra mətbuat konfransı keçirib.Kaliopi qeyd edib ki, "Bakı Kristal Zalı"ında hər bir müğənninin özünü rahat hiss etməsi üçün bütün şərait var. O, həmçinin Bakıda qonaqpərvər və mehriban insanlarla tanış olduğunu və yeni dostlar tapdığını vurğulayıb. Niderland təmsilçisi Joan Franka isə əslən türk olduğunu deyib və Azərbaycanın milli mətbəxinin çox dadlı və ləziz yeməklərdən ibarət olduğunu söyləyib.Daha sonra ilk məşqini keçirən Malta təmsilçisi Kurt Kalleya “This is the night” mahnısının sədaları altında jurnalistlərlə dialoq qurub . Gün ərzində nəzərdə tutulan iştirakçılar ənənəvi olaraq əvvəlcə məşqlərini keçib, daha sonra isə mətbuatın qarşında çıxış edib.

Çinarıə Nurməmmədova
Ramal Gülməmmədov

Muz-Tv.az