Beyons və Jay Z dünyanın ən varlı cütlüyü seçildi

“İnternational Business Times” saytı Jay Z və Beyonsun dünya musiqi tarixi boyunca ən varlı cütlük olduğunu bildirib. 

   “İnternational Business Times” saytı Jay Z və Beyonsun dünya musiqi tarixi boyunca ən varlı cütlük olduğunu bildirib.  Repçi 2006-cı ildə çıxardığı albomu ilə ən çox gəlir gətirən ulduz adına layiq görülmüşdü. Elə Beyons da ondan geri qalmayaraq musiqi toplusunu 75 milyon nüsxəylə satıb və bir çox məşhur brendlərin siması olub. Bu günlərdə müğənni yeni dünya turnesinə çıxmağa hazırlaşır. Mütəxəssislərin fikrincə, Beyons bu səfərindən 116 milyon dollar gəlir əldə edəcək.

     Türkiyəli müğənni Serdar Ortaç qarşısını kəsən və ac olduqlarını söyləyən küçə uşaqlarını özü ilə alış-veriş mərkəzinə aparıb. Onlara geyim və yemək alan ifaçı daha sonra uşaqlarla bir müddət söhbət eləyib.  Alış-veriş mərkəzindən çıxarkən müxbirlərin suallarını cavablandıran Ortaç: “Məndən nə isə istəmələri xoşuma gəldi. Onları çox sevirəm” –deyib.

     Will.i.am  yeni mahnısının gitara partiyalarını Luvrda lentə alıb. Səsyazma gecə saat 2-də reallaşıb. Ifaçının sözlərinə görə, o, muzeyin atmosferini heyranlarına çatdırmaq istəyib.  Musiqi Leonardo Da Vinçinin məşhur tablosunun yerləşdiyi salonda ifa olunub. Kompozisiya “Gülümsə, Mona Liza” adlanır. Mahnı ulduzun yeni albomuna daxil ediləcək. Treki artıq Youtube saytından dinləmək də mümkündür.

     Cennifer Lopez yeni sinqlının bəzi detallarını açıqlayıb. Amerikalı müğənni elan edib ki, mahnı heyranlarının düşündüyündən də tez təqdim ediləcək. Ulduzun sevgilisi Kasper Smart da artıq məşqlərin başladığını söyləyib. Sözügedən trek J.Lo-nun səkkizinci albomuna daxil ediləcək. Kompozisiyanın adı isə hələ məlum deyil.

 

Sahilə Aslanova

 

Muz-Tv.az