Ledi Qaqa payız aylarında səhnəyə qayıdacaq

Ledi Qaqa  səhnəyə payız aylarında qayıdacağını söyləyib. Artıq xəbər verdiyimiz ki, ulduz səhhəti ilə bağlı problemlərlə əlaqədar olaraq dünya turnelərini təxirə salmaq...

    Ledi Qaqa  səhnəyə payız aylarında qayıdacağını söyləyib. Artıq xəbər verdiyimiz ki, ulduz səhhəti ilə bağlı problemlərlə əlaqədar olaraq dünya turnelərini təxirə salmaq məcburiyyətində qalmışdı. Hazırda 27 yaşlı müğənni uzun müddət  davam edən müalicə mərhələsindən sonra istirahət edir. Qaqanın dostları onun heyranları ilə görüşə bilmədiyini görə çox kədərləndiyini bildirib.

    Türkiyəli müğənni Ebru Yaşar şəxsi həyatı ilə bağlı şok etiraf edib.O, verilişlərin birində canlı yayım vasitəsi ilə sevgisini dilə gətirib: "Şəxsi həyatımda bir insan var, onu çox sevirəm. Artıq evlənmək qərarına gəlmişəm. Eyni zamanda da analıq hissini duymaq istəyirəm". 

    Repçi Will.i.am bir çox musiqiçilərdən nümunə götürərək yeni albomunun bütün mahnılarını “Youtube” saytında yerləşdirmək qərarına gəlib. Musiqi toplusuna “This Is Love”, “Scream and Shout” kimi hitlər daxildir. Albomun yazılışında  nikol Şerzinger, Mayli Sayruz, Kris Braun kimi ulduzlar da iştirak edib. Musiqi toplusu aprelin 22-də təqdim ediləcək.

    Hollivud ulduzu Uill Smittin qızı, 14 yaşlı Ceyden Smit “Shakespeare” adlı mahnısına çəkilən yeni klipini təqdim edib. Bundan əlavə, Ceyden özünü aktyor kimi də sınayır. Belə ki, o, atası ilə birlikdə məşhur filmlərdə rol alıb.

 

Sahilə Aslanova

 

Muz-Tv.az