Emin Ağalarov aprelin 25-də Bakıda konsert verəcək

İfaçı və bəstəkar  Emin Ağalarov aprelin 25-də Bakıda konsert verəcək.  Sənətçi  məşhur restoranlardan birində tamaşaçıların qarşısına çıxacaq.

     İfaçı və bəstəkar  Emin Ağalarov aprelin 25-də Bakıda konsert verəcək.  Sənətçi  məşhur restoranlardan birində tamaşaçıların qarşısına çıxacaq.  O,  pərəstişkarları üçün maraqlı şou hazırladığını bildirib.  Xatırladaq ki, Eminin ikinci konserti iyulun 11-də “Yaşıl Teatr”da keçiriləcək.

    Internetdə məşhur fransız aktyoru Jerar Depardyenin iştirak etdiyi və “Euronews” üçün lentə alınan video çarx yayımlanıb. Ekran əsəri Azərbaycan mətbəxinə həsr olunub. Bu sənədli filmin ssenarisi CineX tərəfindən Azərbaycan Dövlət Mədəniyyət və Turizm Nazirliyinə təqdim edilib. Xatırladaq ki, Depardye qurman kimi tanınır və video çarxda da məhz bu xüsusiyyəti önə çəkilib. Aktyorun Azərbaycan mətbəxinə heyran olduğu deyilir.

    Xalq artisti Səməd Səmədov sözləri İkram Əliyev, musiqisi türk folklor nümunələrindən götürülən "Bəzənin, ay qızlar" mahnısına klip çəkdirmək üçün kameralar qarşısına keçib. Müğənninin prodüseri Rövşən Cəfərov bildirib ki, ekran işi bir gün ərzində yekunlaşdırılacaq: "Səməd Səmədovun rejissor seçimi Elnaz Əblucdur. Uzun illərdir klip çəkdirməməsinə baxmayaraq, qərar verdikdən sonra düşünmədən yenidən Elnazla işləmək istədi”. Xatırladaq ki, Elnaz Əbluc Səməd Səmədovun "Hər yaşın öz gözəlliyi var" adlı mahnısına da ekran həyatı verib.

    Müğənni və teleaparıcı Könül Kərimova istedadlı ifaçı Ülviyyə Tağıyeva ilə duet oxuyub.  Azərbaycan dilində yazılan mahnı türkiyəli ulduz Linetin repertuarındandır. Bu barədə  Könül xanım özü məlumat verib: "Ülviyyənin şirin səs tembrini Sibel Cana bənzədirlər. O, çox məlahətli səsə sahibdir. Şəxsən özüm istədim ki, Ülviyyə ilə duet yazdırım” –deyə müğənni bildirib. Qeyd edək ki, Hatəm Nəbioğlu sözügedən mahnını Azərbaycan dilinə tərcümə edərək yenidən aranjeman edib.  

 

Sahilə Aslanova

 

Muz-Tv.az