Məşhur Hollivud ulduzuna hücum etdilər

Dünya şöhrətli “ABBA” qrupunun vokalistləri Benni Anderson və Byori Ulveus “Avroviziya - 2013” mahnı müsabiqəsi üçün himn yazmaq qərarına gəlib. 

   Dünya şöhrətli “ABBA” qrupunun vokalistləri Benni Anderson və Byori Ulveus “Avroviziya - 2013” mahnı müsabiqəsi üçün himn yazmaq qərarına gəlib. Musiqiçilər bu ideyalarını İsver DJ Aviçi ilə birgə reallaşdıracaqlar.  Əsər mayın 18-i müsabiqənin açılış gecəsində səslənəcək. “Biz tarix yaradırıq” –deyə musiqiçilər mahnı haqqında fikirlərini bildiriblər.

   Məşhur Hollivud ulduzu Hyu Cekman pərəstişkarının hücumuna məruz qalıb. O, Nyu-Yorkdakı elit idman zalından çıxarkən 47 yaşlı heyranı aktyora tərəf qaçıb. Ağlayaraq Hyu Cekmanı sevdiyini bildirən qadın daha sonra gizlətdiyi elektro üzqırxanı çıxararaq  ona tərəf atıb. Bu vaxt cangüdən vaxtında yetişərək həmin şəxsi uzaqlaşdırıb. Aktyor bildirib ki, bu heyranını artıq bir neçə dəfə görüb.  O, hətta aktyorun qızının oxuduğu məktəbə belə gedib. Pərəstişkarın aqressiv hücumuna baxmayaraq, Hyu Cekman məhkəməyə müraciət etməkdən imtina edib.

   Türkiyəli gənc aktyor Tolgahan Sayışman öz avtomobil qarajını yeni lüks maşınla zənginləşdirib. Hazırda “Lale devri” serialında iştirak edən Sayışman yeni model “Ferrari”si üçün 350 min avro ödəyib. Artıq üç bahalı idman maşınına sahib olan aktyor uşaqlıqdan bu avtomobilin arzusunda olduğunu və  istəyinə çatdığı üçün sevindiyini deyib.

   Müğənni Rihanna şoularını təxirə salmaq məcburiyyətində qalıb. Buna səbəb ulduzun səhhəti ilə bağlı yaşadığı problemlərdir. Amma bütün bunlara baxmayaraq, müğənninin heyranlarından aldıqları biletləri geri qaytarmamaları xahiş olunub.  Xatırladaq ki, bu ilin martında da Rihanna iki konsertini eyni səbəbdən təxirə salmışdı. Həkimlər ulduza gecə həyatından imtina etməli olduğunu söyləyib.

 

Sahilə Aslanova

 

Muz-Tv.az