Adriana Lima Bakıda
Xalq Artisti Zeynəb Xanlarova bu ilin mayında ABŞ-a yollanacaq. O, iyirmi günlük səfəri çərçivəsində Çikaqo, Los-Anceles və San-Fransisko kimi böyük şəhərlərdə konsert...
Xalq Artisti Zeynəb Xanlarova bu ilin mayında ABŞ-a yollanacaq. O, iyirmi günlük səfəri çərçivəsində Çikaqo, Los-Anceles və San-Fransisko kimi böyük şəhərlərdə konsert proqramı ilə çıxış edəcək.
Müğənni Xatirənin ana olduqdan sonra ilk şəkilləri yayılıb. Bir neçə gün öncə oğul övlad dünyaya gətirən sənətçi toy mərasimlərindən birində görüntülənib. Şəkillərdə Xatirənin həyat yoldaşı Fəxrəddin bəy, müğənni Günel və qardaşı Tunar da yer alıb.
Braziliyalı dünya şöhrətli model Adriana Lima Bakıdakı butiklərin birinin açılışına qatılıb. Cazibədar modeli görmək istəyən yerli məşhurlar da həmin tədbirə axın ediblər. Heydər Əliyev Sarayının təşkilatçılığı ilə keçiriləcək “Zirvələrə doğru” konsert-müsabiqəsinin seçim turları sona çatıb.Azərbaycanın məşhur mədəniyyət və incəsənət xadimlərindən ibarət komissiya tərəfindən daha istedadlı iştirakçılar seçilib və onlar böyük konsert proqramında iştirak etməyə haqq qazanıblar.
Böyük konsert proqramında iştirak etməyə haqq qazanan iştirakçılar arasında muğam, xalq və estrada mahnıları, aşıq, bədii qiraət və müxtəlif musiqi alətlərində ifaçılıq bacarığı olan iştirakçılar üstünlük təşkil edir. Komissiya Heydər Əliyev Sarayın direktoru, əməkdar mədəniyyət işçisi Fərhad Babayev, sarayın baş rejissoru Gülçöhrə Şəfiyeva, respublikanın əməkdar artisti Ağacəbrail Abbasəliyev və bir çox məşhur simalardan ibarət olub.
Müğənni Musa Musayev həyat yoldaşı Təranə Qumralla qalmaqalla ayrılıb. Muz Tv-nin oxumeni.az-a istinadən verdiyi məlumata görə, cütlük təxminən 2 həftə əvvəl Nərimanov rayon məhkəməsində rəsmi qaydada boşanıb. Lakin bu xəbər tərəflərin razılığı ilə mətbuatdan gizli saxlanılıb. Fakta aydınlıq gətirməyə çalışan Musa Musayev deyilənləri təsdiqləyərək ayrılmaqlarının səbəbini açıqlayıb: “Təranədən çoxdan şübhələnirdim. Telefonda başqa bir ilə danışdığını, onunla eşq yaşadığını hiss edirdim və daha sonra bütün bunlar öz təsdiqini tapdı”. Musa Musayev həyatının uzun illərini Təranə Qumrala həsr etdiyi üçün peşman olduğunu da sözlərinə əlavə etdi: “Ona görə uzun illərdir Cabbarla küsülü idim. Təranəni çox sevirdim, inanırdım. O, məni biznesmenlə aldatdı. Özü mənə dedi ki, daha məni sevmir, onu sevir”. Musa Musayevin fikirlərinə münasibət bildirən Təranə Qumral axşam.az saytına açıqlamasında söyləyib ki, Musa Musayevlə artıq 3 ildir ayrılıblar.“Bütün efirlərə birlikdə gedirdik. İstəmirdik ki, şəxsi söhbətlər işimizə təsir etsin. Buna görə də gizlədirdik. Musanın dedikləri hamısı yalandır. Bu xəbərə kim bu cür don geyindirib bilmirəm. Amma mən günahsızam. Şəxsi həyatımı qabartmaq istəmirəm. Üç ildir ki, azad qadınam” – deyə Təranə Qumral bildirib. Qeyd edək ki, Muz Tv olaraq tərəflərin hər ikisi ilə əlaqə saxlamağa çalışssaq da, hər ikisi münasibət bildirməkdən imtina edib.
Sevda Məmmədova
Muz-Tv.az