Tom Kruzun bu dəfə bəxti gətirmədi

“Gangnam style”klipi ilə dünyada məşhur olan  Cənubi koreyalı müğənni PSY yeni albomunun təqdimat mərasimi zamanı hər kəsi təəccübləndirib. 

      “Gangnam style”klipi ilə dünyada məşhur olan  Cənubi koreyalı müğənni PSY yeni albomunun təqdimat mərasimi zamanı hər kəsi təəccübləndirib.  Səhnəyə təşrif buyuran ifaçının libası gələn qonaqların heyrətinə səbəb olub. Belə ki, performanslarını müxtəlif geyimlərdə sərgiləyən ifaçı “Gentelman” adlı son mahnısını yarımçılpaq vəziyyətdə oxuyub. Xatırladaq ki, PSY-ın Seulda verdiyi konsertində 160min insan iştirak edib.

       Amerikan televiziya şoularından birinə qatılanTom Kruzun bu dəfə bəxti gətirməyib. Belə ki,məşhur aktyor təpədən dırnağa qədər yumurtaya bulanıb. Verilişin aparısıcısı Cimmi Fellonun köməkçisi studiyaya bir qutu içində 12 ədəd yumurta gətirib. Bunlardan 4-ü çiy, geri qalan 8-i isə bişmiş olub. Bəxtinə yalnız bişməmiş yumurtalar çıxan Kruzun başında hər dəfə çiy yumurta qırılanda həm aktyor, həm Fellon, həm də studiyadakı tamaşaçılar qəhqəhələrə boğulublar.

       Keçən ay vəfat edən Müslüm Gürsesin son albomu “Veda” sevənlərinin ixtiyarına veriləcək. Musiqi toplusunun səsyazma mərhələsi sənətçi xəstəxanaya getməzdən əvvəl tamamlanıb. Müğənninin ailəsinin istəyinə görə, albom mərhumun ölümünün 40-cı günündən sonra işıq üzü görəcək. Əməliyyata girməzdən əvvəl musiqi toplusu üçün əlavə üç mahnı da oxuyan Müslüm Gürsesin tek vəsiyyəti: “Ölsəm albomu ‘Veda’ adlandırın” - olub.

        Türkiyənin məşhur  müğənnisi Alişan  dünya şöhrətli saat markalarından birinin ən son modellərindən birinə sahib olub. Saatın qiyməti nə az, nə çox düz 50 min avrodur. Sözügedən modelin istifadəçiləri arasında Messi, Şumaxer və başqa tanınmışlar da var.

 

Səma Ələsgərova

 

Muz-Tv.az