Özcan Dənizin Bakı konsertindən möhtəşəm görüntülər

Son zamanlar adından tez-tez bəhs etdirən müğənni, aktyor və rejissor Özcan Deniz Heydər Əliyev Sarayında vəd verdiyi möhtəşəm konsert proqramı ilə çıxış edib.

    Son zamanlar adından tez-tez bəhs etdirən müğənni, aktyor və rejissor Özcan Deniz Heydər Əliyev Sarayında vəd verdiyi möhtəşəm konsert proqramı ilə çıxış edib. Sonuncu dəfə üç il bundan əvvəl Bakının qonağı olan türkiyəli ifaçının gəlişi görünür pərəstişkarlarının yaman ürəyincə olub. Özcan Denizi dinləməyə gələnlər  arasında əməkdar artist Sevda Ələkbərzadə , müğənni Ruhi Əliyeva, Günay İbrahimli, Ayan Babakişiyeva da olub.

    Konsertin açılışını edən aparıcılar çıxış üçün ilk sözü şoumen Murad Dadaşova veriblər. Ulduzun sevənlərini intizarda saxlamaq məqsədi ilə səhnədə Azərbaycanın əməkdar artisti Natiq Şirinovun rəhbərlik etdiyi “Natiq ritm qrupu” görünüb. Onlar da öz möhtəşəm ifaları ilə tamaşaçılar arasında milli ab- hava yaradıblar.

    Möhtəşəm çıxış bitər-bitməz Özcan Deniz özü səhnədə görünüb. İki-üç mahnı ifa etdikdən sonra dərhal pərəstişkarları ilə ünsiyyət qurmağın öhdəsindən gələn müğənni, maraqlı zarafatları ilə yadda qalıb.

    Hit mahnılarını bir-birinə calayan və “Evim sənsin” filmi Bakıda coşğu ilə qarşılandığı üçün hər kəsə minnətdarlığını bildirən müğənni  çox yaxın zamanlarda yenidən yolunu Azərbaycandan salacağına söz verib.

 

Sərvər Mehdiyev

Bəxtiyar Nəsirov

 

Muz-Tv.az