Xarici şou-biznesdən ən son xəbərlər
İstanbulda 19-cu dəfə təşkil olunan “Türkiyə Musiqi mükafatları” nın qala gecəsi reallaşıb. 200 münsifdən ibarət olan və 4 milyon səslə təyin edilən tədbir Murat Bozun...
İstanbulda 19-cu dəfə təşkil olunan “Türkiyə Musiqi mükafatları” nın qala gecəsi reallaşıb. 200 münsifdən ibarət olan və 4 milyon səslə təyin edilən tədbir Murat Bozun ifası ilə başlayıb. Gecədə müğənni Mustafa Ceceli “Es” adlı musiqi toplusu ilə “Ən yaxşı albom” nominasiyasında qalib olub. “Ən yaxşı qadın ifaçı” Göksəl, “Ən yaxşı kişi ifaçı” mükafatına isə yenə də Mustafa Ceceli layiq görülüb . İlin ən yaxşı sinqlı isə Emre Aydının “Beni bir az böyle hatırla” mahnısı seçilib. Məşhur müğənni Demet Akalın isə “Türkan” kompozisiyasına görə “Ən yaxşı mahnı” kateqoriyasında mükafat qazanıb.
Koreya müğənnisi PSY yeni “Gentleman” adlanan siqnlını təqdim edib. Mahnı dinlənmə sayına görə dərhal lider mövqelərdən birini tutub. Müğənni sözügedən kompozisiyanı ilk dəfə “World Cup Stadium” reallaşacaq konserti zamanı səsləndirəcək. Xatırladaq ki, ulduzun “Gangnam style” klipi ilə “Youtube” saytında ən çox izlənilən video çarxlar sırasında birinci yeri tutub.
Tez-tez küsüb-barışmaları ilə mətbuatın gündəmindən düşməyən Rihanna nəhayət çıxan dedi-qodulara cavab vermək qərarına gəlib. Belə ki, ulduz Kris Braunla səmimi şəkillərini paylaşıb. Xatırladaq ki, cütlüyün ayrıldığı və yeni sevgililərinin olduğu iddia edilmişdi. Amma Rihanna paylaşdığı şəkillə bütün şayiələrə cavab vermiş oldu. Fotodan sevgililərin ayrılmadığı və xeyli xoşbəxt olduğu görülür.
“Kurtlar vadisi” serialının Polat Alemdarı Necati Şaşmaz ata olmağa hazırlaşır. Özündən 21 yaş kiçik həyat yoldaşı Nagehan Kaşıkçının hamiləlik xəbəri ilə çox xoşbəxt olan aktyorun bu həftə də körpəsinin cinsiyyəti məlum olub. Cütlüyün oğul sahibi olacağı bildirilir. Şaşmazın artıq oğluna ad axtardığı da iddialar arasındadır.
Şakira 2 aylıq olan oğlu Milanla birgə müsabiqəyə qatılıb. Körpə Amerikada yayımlanan “The Voice” verilişinin çəkimlərində anası ilə birgə jüri kürsüsündə yer alıb. Oğlu Milanla çəkdirdiyi şəkili twitterdə paylaşan Şakira körpəsinin jüri kürsüsünü bəyənmədiyini bildirib.
Sahilə Aslanova
Muz-Tv.az