Səhnəmizin “Mixaylosu” uzun sürən xəstəlikdən sonra vəfat etdi

Azərbaycan səhnəsi daha bir sənətkarını itirdi. Unudulmaz aktyor “Uzaq sahillərdə” filmində “Mixaylo” rolunun məşhur ifaçısı Nodar Şaşıqoğlu vəfat edib.

    Azərbaycan səhnəsi daha bir sənətkarını itirdi. Unudulmaz aktyor “Uzaq sahillərdə” filmində “Mixaylo” rolunun məşhur ifaçısı Nodar Şaşıqoğlu vəfat edib. Acar əsilli aktyor Bakı şəhərində yaşadığı evində uzun sürən xəstəlikdən sonra dünyasını dəyişib. Görkəmli sənətkar 1950-ci ildə Moskva Teatr Məktəbini bitirib. Leninqrad Akademik Dram Teatrında işləyib. “Nikbin faciə”, “Sevilya ulduzu”, “Mariya Tüdor” da Cilberti oynayıb. Nodar Şaşıqoğlunun kino yaradıcılığı daha çox Azərbaycanın adı ilə bağlıdır. O “Uzaq sahillərdə” filmində Mehdi Hüseynzadə, “Əsl dost”da Fərman, “Səhər”də Əzizbəyov “Leyli və Məcnun”da Məcnun, “Bizim küçə”də yenə Mixaylo, “Telefonçu qız”da Zakir  obrazlarını canlandırıb. Görkəmli aktyor 1983-cü ildə Azərbaycanın xalq artisti fəxri adına layiq görülüb və 2007-ci ildə “Şöhrət” ordeni ilə təltif olunub. Qeyd edək ki, Nodar Şaşıqoğlu İzzətoviç 1927-ci il martın 13-

də Batumi şəhərində anadan olub.

 

Səma Ələsgərova

 

Muz-Tv.az