Şou-biznesin məşhur simalarından maraqlı xəbərlər

Müğənni Samira Allahverdiyeva “Sən” adlı mahnısına çəkdirdiyi klipini təqdim edib. 

    Müğənni Samira Allahverdiyeva “Sən” adlı mahnısına çəkdirdiyi klipini təqdim edib. Sözləri və musiqisi Muxtar Abseynova aid olan bəstəni rejissor Ülviyyə Könül ekranlaşdırıb. Qeyd edək ki,Samira bu klipdə fərqli imiclə ekran qarşısına keçib.

    Gənc müğənni Kəmalə Qaramollayeva toy gününü təyin edib. Sənətçi aprelin 14-də türkiyəli nişanlısı ilə nikah masasına oturacaq. Kəmalə işlərinin çoxluğundan bal ayına yayda gedəcəklərini deyib:“Fikrimizdə bir neçə ölkə var. Yayda gedib, istirahət edəcəyik. Hamı toydan sonra Türkiyəyə köçəcəyimi deyir. Amma bu doğru deyil, həyat yoldaşımla birlikdə Bakıda yaşayacağam. Müğənnilik sənətimi də davam etdirəcəyəm”.

    Roza Zərgərli Qazax müğənnisi Roza Rımbayevadan hədiyyə alıb.Belə ki, əcnəbi müğənni adaşına imzaladığı albomunu bağışlayıb. İfaçının dediyinə görə, bu, onun üçün bir sürpriz olub. Müğənni həmkarının onunla duet oxumaq arzusunda olduğunu vurğulayıb.Qeyd edək ki, yaxın günlərdə duetin gerçəkləşməsi üçün tərəflərin bir araya gələcəyi  gözlənilir.

Səma Ələsgərova

 

Muz-Tv.az