Məşhurlar növbəti qalmaqalda

Əməkdar artist Elza Seyidcahanın son iki fotosessiyası ətrafında söz-söhbət səngimək bilmir.

    Əməkdar artist Elza Seyidcahanın son iki fotosessiyası ətrafında söz-söhbət səngimək bilmir. Belə ki, bu dəfə müğənninin  həmin şəkillərdə xalq artisti Aygün Kazımovanı təkrarladığı haqda iddialar meydana gəlib. Qeyd edək ki, Aygün Kazımova buna bənzər fotosessiyanı 2000 və 2001-ci ildə etdirib. 

    Bu ayın axırlarında paytaxtımıza səfəri gözlənilən Türkiyənin məşhur müğənnisi Sərdar Ortac Bakıda konsert proqramı ilə çıxış edəcək. Gecədə onunla bərabər azərbaycanlı müğənni Zarina Məmmədova da səhnə alacaq. "Sərdar gözəl ifaçıdır. Onunla bir səhnədə olmaq yaradıcılığıma böyük təkan verəcək . Konsertə ciddi şəkildə hazırlaşıram. Tanmaşaçıları bir çox sürprizlər gözləyir”- deyə Zarina əlavə edib. Xatırladaq ki, müğənninin konserti mayın 25-də reallaşacaq.

     Yenicə istirahətdən qayıdan Natavan Həbibi bu dəfə şou-biznesdən danışıb. Müğənni: “ Bu aləmdəki insanlarının səmimiyyətsizliyindən, ikiüzlülüyündən yoruldum. Ona görə də tez-tez xaricə gedib, istirahət edirəm. Kazinoya baş çəkirəm, şəhərləri gəzirəm. Burda olanda isə bütün günü evdən bayıra çıxmıram. Çəkiliş olmasa, heç yerə getmərəm  Şou-biznesdə mənim kimi ikinci bir sənətçi yoxdur, olacağına da inanmıram. Məndən yaxşı həyat yoldaşı olardı, bütün günü evdə oturar, ərim üçün yemək hazırlayardım”-deyə əlavə edib.

     Müğənni Xatunun yaxın rəfiqəsi rəqqasə Fatimə haqqında dediyi sözlər ikili arasında qalmaqala səbəb olmuşdu. Ötən gün tədbirlərin birinə qatılan iki sənətçinin salamlaşmaması və üz-üzə gəlməməyə çalışması nəzərdən qaçmayıb.Xatun rəqqasəylə aralarında yaranan söz-söhbətə aydınlıq gətirib.“Əslində mən zarafat etmişdim. Sözlərimin bu qədər böyüdüləcəyinə inanmırdım. Fatimə ad günümə gəlməmişdi. Məni də öz tədbirinə dəvət etməyə utanıb. Amma ondan küsməmişəm, inciməmişəm. İndi salamlaşıb, görüşəcəm”.Qeyd edək ki, tədbirin sonunda köhnə dostlar barışıb, birlikdə şəkil də çəkdiriblər.

 

Səma Ələsgərova

 

Muz-Tv.az