Məşhur ulduzun dinini dəyişdiyi iddia edilir

Tanınmış ingilis müğənnisi Robbi Uilyams fanatlarını heyrətləndirəcək açıqlama verib. Ulduz iyulun 13-də Amsterdamda reallaşacaq konsertlə bağlı danışıb.

    Tanınmış ingilis müğənnisi Robbi Uilyams fanatlarını heyrətləndirəcək açıqlama verib. Ulduz iyulun 13-də Amsterdamda reallaşacaq konsertlə bağlı danışıb. O, tədbirdə çoxlu sayda bilet satılarsa, səhnədə soyunacağını bildirib. Robbi bununla da kifayətlənməyərək daha çox bilet satılarsa, Olli Mursla səhnədə qeyri-adi rəqs edəcəyini deyib. Qeyd edək ki, 39 yaşlı Olli Murs İngiltərənin tanınmış kişi müğənnilərindən biridir.

     Amerika mətbuatı hazırda yalnız Canet Ceksonu müzakirə edir. Belə ki, müxbirlərin sözlərinə görə, dünya şöhrətli müğənni  bir daha albom çıxarmayacağını və filmlərdə çəkilməyəcəyini bildirib. Bundan əlavə Canetin Yaxın Şərqə köçdüyü və İslam dinini qəbul etdiyi də iddialar arasındadır.  Ulduzun bu addımı atmasında onun həyat yoldaşı, milyarder Vissam Al  Mananın böyük rolu olduğu söylənilir. Qeyd edək ki, müğənninin menecerleri xəbəri şərh etməkdən imtina edib.

     Kris Braunla tez-tez küsüb-barışan Rihanna Los Anceles konserti zamanı heyranları ilə dərdləşib. 25 yaşlı müğənni “Diamonds” turnesi çərçivəsində verdiyi konsertdə sevənlərindən “Aranızda aşiq olan varmı?” deyə soruşduqdan sonra sualını özü cavablabdırıb: “Sevgidən anlamayanlar əlini qaldırsın. Mən də o qrupa daxiləm”. Xatırladaq ki, 2009-cu ildə ayrıldıqdan sonra keçən il yenidən Krislə barışan Rihanna bir daha ayrıldığını elan edib.

    Ingilis rok qrupu “Rollinq Stones”-in solisti Mik Caggerin model qızı Corciya Mey Cagger Avstraliya moda həftəsində podiuma çıxıb. 4 qadından 7 övladı olan Caggerin amerikalı model Cerri Holdan olan 20 yaşlı qızı Corciya Mey məşhur geyim brendlərindən birinin dəfiləsində iştirak edib. Çimərlik geyimlərini reklam edən gənc xanım tamaşaçılar tərəfindən alqışlarla qarşılanıb.

 

Sahilə Aslanova

 

Muz-Tv.az