Murat Bozu da “öldürdülər”

Kelli Rouland yeni “Talk a good Game” albomu haqqında məlumat verib. Müğənni keçmiş “Destiny`s child” qrupunun üzvləri Beyons və Mişel Uilyamsla...

    Kelli Rouland yeni “Talk a good Game” albomu haqqında məlumat verib. Müğənni keçmiş “Destiny`s child” qrupunun üzvləri Beyons və Mişel Uilyamsla birgə ifa etdiyi bir mahnınının da musiqi toplusunda yer aldığını bildirib. Rouland albom üzərində çalışmaları bu yaxınlarda bitirəcək. “Məncə artıq 70-dən çox mahnı hazırdır. Onlardan 12-sini albom üçün seçmək çətin olacaq” –deyə Kelli əlavə edib. Qeyd edək ki, “Talk a good” adlı musiqi toplusu iyunun 4-də satışa çıxarılacaq.

    Məşhur türk müğənnisi İbrahim Tatlısəsin qızı dünyaya gəlib. Ayşegül Yıldız körpəni çox çətinliklə dünyaya gətirib. İbrahim Tatlısəsin 6-cı övladına Elif Ada adı verilib. Xatırladaq ki, müğənninin Ədalət Tatlıdan 1 oğlu - 2 qızı, Perihan Savaşdan 1 qızı, Dərya Tunadan 1 oğlu var. Sənətçinin 3 nəvəsi də var.

    Məşhur “Dedi-qoduçu qız”  gənclik serialının ulduzu Teylor Momsen yapon müğənni Tomomi İtanonun klipində rol alıb.  Video çarxda əsas diqqət ulduzun boynundakı aksesuarlara yönəldilib. Belə ki, Teylor bütün ekran əsəri boyunca məşhur brendlərin çantalarından və zinət əşyalarından istifadə edib.

     Sosial şəbəkədə Türkiyənin tanınmış müğənnisi Murat Bozun ölməsi barədə xəbərlər yayılıb. Məlumatı hiddətlə qarşılayan ulduz iddianı yayanlara sosial şəbəkədə kəskin cavab verib. Xəbəri “Twitter” səhifəsində təkzib edən Boz bu iddianı yayanları Allaha tapşırıb. “Məqsədi nə olursa lsun, bu saxta ölüm xəbərini yayanları Allaha tapşırıram. Mən sağam. Aldanmayın və bu xəbərin yazıldığı heç bir linki klikləməyin”.  Xatırladaq ki, son günlər sosial şəbəkələrdə Türkiyə şou-biznes nümayəndələrinin ölümü barədə xəbərlər yayılması intensiv hal alıb.

 

Sahilə Aslanova

 

Muz-Tv.az