Sevda Yahyayeva xalq artisti İlhamə Quliyevadan nə istədi?

Müğənni Sevda Yəhyayeva xalq artisti ilhamə Quliyevaya müraciət edərək ondan titul istəyib. Ifaçı: “Primadonnamız bir çox müğənnilərə titul verib. 

    Müğənni Sevda Yəhyayeva xalq artisti ilhamə Quliyevaya müraciət edərək ondan titul istəyib. Ifaçı: “Primadonnamız bir çox müğənnilərə titul verib. Həmin məşhurların sırasına öz adımı eşitmək istərdim.  Çünki onun verdiyi titullar hər zaman maraqlı olub.  İlhamə xanımın mənə hansı titulu verəcəyini səbirsizlilə gözləyirəm” - deyə əlavə edib.

    Müğənni Niyam Səlami uzun müddətdir haqqında danışdığı kiçik restoranının açılışını edib. Dostlarını başına yığıb bunu qeyd edən ifaçı öz bişirdiyi yeməkləri ilə gələn qonaqları daha da sevindirib. Açılışda müğənninin ən yaxın həmkarları xalq artisti Faiq Ağayev, müğənni Yaşar Cəlilov, rejissor Anar Hüseynov və digərləri iştirak edib. Tədbirin sonunda isə müğənni öz bişirdiyi tortunu kəsib.

    Bu ayın axırlarında paytaxtımıza səfər edəcək Türkiyənin tanınmış müğənnisi Halil Sezai  Rəhim Rəhimlinin proqramında qonaq olacaq. Təşkilatçı Samir Xəttab: «Halilə Bakıda qonaq olacağı zaman bir çox proqramlarda iştirak etməyi təklif etdik. Ancaq o Rəhim Rəhimlinin verilişində iştirak etməyi seçdi»-deyə söyləyib. Qeyd edək ki, Halil Sezai  aprelin 27-də Bakıdakı əyləncə mərkəzlərinin birində çıxış edəcək.

   Ötən il hərbi xidmətə yollanan müğənni Azad Şabanov məzuniyyətinə gəlib.Müğənni: “Vətənə borcumu yerinə yetirirəm. Ən çox valideynlərim üçün darıxıram. Məzuniyyətə gələn kimi ilk işim sənətimlə bağlı yenilik etmək oldu. “Dostum” adlı mahnı yazdırdım. Sözləri mənə, musiqisi Tural Yusibova aiddir. Bu bəstəni bir dostuma həsr etmişəm. Əvvəl yaxın dost olsaq da, indi onu sevirəm. Amma bunu özünə etiraf etməyəcəm. Belə daha yaxşıdır”-deyə əlavə edib.Qeyd edək ki, Azad oktyabr ayında hərbi xidmətini başa vurub, qayıdacaq.

 

Səma Ələsgərova

 

Muz-Tv.az