Məşhur ulduz ailə həyatı qurmağa hazırlaşır

Dünyanın ən məşhur  döyüş ustalarından və aktyorlarından biri Ceki Canın doğum günüdür. Ulduz  Honkonqda çox kasıb ailədə dünyaya gəlib. 

    Dünyanın ən məşhur  döyüş ustalarından və aktyorlarından biri Ceki Canın doğum günüdür. Ulduz  Honkonqda çox kasıb ailədə dünyaya gəlib. O, "Pekin operası" adlı məktəbdə təhsil alıb. Canın ilk uğurlu layihəsi "Sərxoş müəllim" filmi olub. Bu film çox populyarlıq qazanıb ve Cekinin uğurlarının başlanğıcı olub. Bundan sonra onu çəkildiyi 130 film daha da məhşurlaşdırır. Karyerasında uğur qazanmaqla bərabər, Can şəxsi həyatını da unutmur. O, 1983-cü il dekabrın 1-də tayvanlı aktrisa Liin Fen Szyao ilə evlənib. Aktyorun 1984-ci il dekabrın 3-də Can Co-Min adlı oğlu dünyaya gəlib. 1999-cu il 19 noyabrda isə aktyorun Ou Cok Lam adlı qızı doğulub.

    Britaniyalı müğənni Adelin sevgilisi mayın 5-də, ulduzun doğum günündə ona evlilik təklifi etməyə hazırlaşır. Ifaçının həm də prodüseri olan Saymon Koneki ona isti ölkələrdən birinə səfər hədiyyə etmək istəyir.  Saymon Adeli xaricə apararaq təklifi də elə orada etmək fikrindədir. Xatırladaq ki, mayın 5-də müğənninin 24 yaşı tamam olacaq. 36 yaşlı Saymon Konekinin isə ilk evliliyindən beş yaşlı qızı var.

    Selena Qomez nəhayət heyranlarını yeni hiti ilə sevindirib. Müğənni “Come and Get it” mahnısını sevənlərinin ixtiyarına verib. “Bu kompozisiya ilə əyləncəli yay ab-havası yaratmaq istəyirdim. Mahnı həqiqətən hər kəsi heyrətləndirəcək” – deyə Selena bildirib. Xatırladaq ki, bu ilin payız aylarında ulduz dünya turnesinə çıxmağa hazırlaşır.

    Əfsanəvi “Backstreet boys” qrupu tezliklə yeni albomunu təqdim etməyə hazırlaşır.  Kollektiv musiqi toplusu üzərində hazırlıqları demək olar ki, bitirib. Qrupun üzvlərindən biri Nik Karter verdiyi müsahibədə: “Təqdim etməyə hazırlaşdığımız yeni sinqlımız əsl hit olacaq” –deyə bildirib. Onu da vurğulayaq ki, alboma daxil edilən mahnıların bəziləri üzərində məşhur bəstəkar Maks Martinin çalışıb.

 

Sahilə Aslanova

 

Muz-Tv.az