Şahrux Xanı məhkəməyə verdilər

Dünya şöhrətli hind aktyoru Şahrux Xanı öz həmkarı məhkəməyə verib. Belə ki, hind aktyoru və rejissoru Manok Kumar Bollivud ulduzuna qarşı multi-milyonluq...

    Dünya şöhrətli hind aktyoru Şahrux Xanı öz həmkarı məhkəməyə verib. Belə ki, hind aktyoru və rejissoru Manok Kumar Bollivud ulduzuna qarşı multi-milyonluq məhkəmə iddiası qaldırıb. O? Şahrux Xanı ələ salındığı səhnələr olan filmi Yaponiyada montaj etmədən təqdim etməkdə günhalandırıb. Kumar ulduzdan və sözügedən filmin prodüseri  "Eros International" şirkətindən ona vurulan mənəvi ziyana görə 18,5 milyon dollar tələb edir.

    Məşhur futbolçu Devid Bekhem CNN kanalına müsahibəsi zaman;  uşaqlarına verdiyi tərbiyədən danışıb. O: "Düzünü desəm, mən və Viktoriya  əksər hallarda uşaqlarımıza heç nəyi qadağan etmirik, çünki onların normal həyatlarının olmasını istəyirik" –deyə bildirib. Ulduz cütlük uşaqlarını mətbuatdan uzaq tutmağa çalışsa da, böyük oğulları 14 yaşlı Bruklin bir neçə dəfə paparazzilərə tuş gəlib. Bekhem ən çox ailəsi ilə isətdiyi qədər vaxt keçirə bilmədiyi üçün təəssüfləndiyini deyib.

    Dünyanın ən məşhur amerikalı müğənnisi Rihanna alış-verişdə qənaətcil xanım təsiri bağışlamağa çalışsa da, alınmır. O, yenə bədxərclik edib və həmişəki kimi aldığı əşyaların da fotolarını çəkərək İnstagram fotoservisində yayımlayıb. Pasxa bayramı münasibətilə endirimlərdən yararlanan Rihanna butiklərdə və marketlərdə on min dollardan artıq alış-veriş edib.

    Məşhur Hollivud ulduzu  Keti Holms Tom Kruzdan boşandıqdan sonra ilk dəfə yeni sevgilisi ilə görülüb. Aktrisanın bir müddətdir cazmen Piter Sinkotti ilə birlikdə olduğu və cütlüyün iki həftə əvvəl Nyu Yorkdakı bir əyləncə məkanında tanış olduğu iddia edilir. Xatırladaq ki, Tom Kruzdan keçən il boşanan Keti Holms psixologiyasının pozulduğunu və evliliyə olan inamını itirdiyini söyləmişdi.

 

Sahilə Aslanova

 

Muz-Tv.az