Davud Güloğlu yenidən şəhərimizin qonağı olacaq

İtaliyadan qayıdan əməkdar artist Tünzalə Ağayeva yenidən səfərə hazırlaşır.  Bir müddət əvvəl Romada Dünya Gənc Tələbələrin forumunda konsert proqramı...

    İtaliyadan qayıdan əməkdar artist Tünzalə Ağayeva yenidən səfərə hazırlaşır.  Bir müddət əvvəl Romada Dünya Gənc Tələbələrin forumunda konsert proqramı ilə çıxış edən müğənninin növbəti səfəri Türkiyəyədir. İfaçı bir həftə sonra qardaş ölkəyə gedərək orada konsert proqramı ilə çıxış edəcək. Xatırladaq ki, əməkdar artistin may ayında Almaniyada solo konserti də gözlənilir.     

     Türkiyəli müğənni Davud Güloğlu yenidən paytaxtımızın qonağı olacaq. Təşkilatçı Samir Xəttabın verdiyi məlumata görə, sənətçi iyun ayında şəhərimizdə konsert verəcək. Samir Xəttab: “Davud Güloğlu Azərbaycanda sevilən bir müğənnidir. Düşündük ki, bu dəfə onu Bakıya konsert üçün dəvət edək. İyunun 8-də reallaşacaq konsertdə Davudla birlikdə səhnəyə yerli müğənnilərimizdən biri də çıxacaq. Hətta onlar duet də oxuyacaqlar” - deyə əlavə edib. 

     Rəqqasə Fatimə Fətəliyeva doğum gününü qeyd edir.  35 yaşı tamam olan məşhur xanım təbrikləri ötən gündən almağa başlayıb. Rəqqasəni təbrik etmək üçün müğənni Günay İbrahimli, Sevinc Ağaşirinova və prodüser Təranə onun evinə yollanıblar. Fatimə: “Çox sağ olun ki, məni fərqli təbrik etdiniz. Hələ mənim doğum günümdə belə sürprizlə rastlaşmamışdım. Bunu unutmayacağam”- deyib. Xatırladaq ki, rəqqasə ona hədiyyə olunan zinət əşyasına daha çox önəm verdiyini söyləyib.

 

Səma Ələsgərova

 

Muz-Tv.az