Dünya şöhrətli məşhur cütlük boşanmaq ərəfəsindədir

Məşhur ulduzlar Castin Timberleyk və Cessika Bilin evliliyi boşanma təhlükəsi altındadır. 

     Məşhur ulduzlar Castin Timberleyk və Cessika Bilin evliliyi boşanma təhlükəsi altındadır.  Buna səbəb müğənninin bütün boş vaxtını yalnız yeni albomunun hazırlıqlarına sərf etməsidir.  Qərb mətbuatının məlumatına görə, Cessika artıq öz narazılığını gizlətmir.  Aktrisa Castini karyerasına daha çox önəm verməkdə günahlandırır. Xatırladaq ki, məşhur cütlük 2012-ci il oktyabrın 20-də ailə həyatı qurub. Nikah mərasimi tamamilə gizli keçirilib.

    Hazırda sevgilisi Teylor Kinni ilə birlikdə Amerikanın İllinoys ştatındakı Çikaqo şəhərində istirahət edən məşhur müğənni Ledi Qaqa əlil arabasında görülüb. Ulduz müxbirlərin suallarını cavablandırmaqdan qətiyyətlə imtina edib. Qeyd edək ki, 27 yaşlı ifaçının bu qeyri-adi nəqliyyat vasitəsi  24 karatlıq qızıldan hazırlanıb və dizayneri Ken Boroxovdur.

    “Maroon 5” qrupu yeni albom üzərində çalışdığını bildirib. Bundan əlavə, kollektiv müğənni Kelli Klarksonla konsert turnesinə hazırlaşdıqlarını da elan edib. Ilk tədbir avqustun 1-də reallaşacaq.  Xatırladaq ki, qrupun son “Overexposed” albomu keçən ilin iyulunda təqdim edilib. Musiqi toplusu Böyük Britaniyada və Amerikada hit olub.

     Amerikalı aktrisa Lindsi Lohan  Twitter-dən hamilə olduğunu açıqlayıb. 26 yaşlı ulduz: “Rəsmi olaraq elan edirəm: hamiləyəm” –deyə yazıb. Açıqlamanın 1 aprel zarafatı olub-olmadığı isə bilinmir. Lohan həftəsonunu Los Ancelesdə sevgilisi Avi Snou ilə birlikdə keçirib. Aktrisanın sözügedən yazısı 4 saat içində 12 mindən çox insan tərəfindən paylaşılıb.

 

Sahilə Aslanova

 

Muz-Tv.az