Xalq artisti Həsən Turabovun 75 illik yubileyi keçirildi

Azərbaycan Dövlət Akademik Milli Dram Teatrında mərhum sənətkar,  xalq artisti Həsənağa Turabovun 75 illik yubileyi keçirilib.

    Azərbaycan Dövlət Akademik Milli Dram Teatrında mərhum sənətkar,  xalq artisti Həsənağa Turabovun 75 illik yubileyi keçirilib. Ölkənin ziyalılarının, incəsənət xadimlərinin iştirak etdiyi tədbirdə ilk olaraq teatrşünas Məryəm Əlizadə söz alaraq gecənin önəmindən danışıb. Daha sonra çıxış edən Azərbaycan dövlət mədəniyyət və turizm nazirinin müavini Ədalət Vəliyev sənətkarla bağlı xatirələrini bölüşüb.

   Daha sonra mərhum aktyorun ifa etdiyi “Otello” tamaşasından qısa bir parçanın lent yazısı gələn qonaqlara təqdim edilib.Sənətkarın oğlu Yalçın Turabov atasının necə gözəl insan olduğunu qeyd edərək onun haqqında ən xoş xatirələrini paylaşıb. Həsən müəllimin qızı Sevinc Turabova isə gələn hər kəsə təşəkürünü bildirib.

   Tədbirin sonunda xalq artistinin rol aldığı bütün filmlərin, radio tamaşaların və monoloqların yer aldığı albom sənətkarın qızı Sevinc Turabovaya təqdim edilib.

 

Sahilə Aslanova

Elfaq Lələyev

 

Muz-Tv.az