Dünyaca məşhur DJ David Getta Bakıya gələcək

Bu günlərdə BBC-3 radiosunun əməkdaşları - Lusi Duran, Ceyms Parken və Melani xanım Azərbaycana təşrif  buyurublar. 

    Bu günlərdə BBC-3 radiosunun əməkdaşları - Lusi Duran, Ceyms Parken və Melani xanım Azərbaycana təşrif  buyurublar. Səfərin səbəbi Londonun məhşur “Royal Albert Hall”-da səslənəcək Azərbaycan musiqi layihəsinin hazırlıqlarıdır. Sözügedən tədbir çərçivəsində istedadlı xanəndə Qoçaq Əsgərov və Fidan Hacıyeva da bu möhtəşəm zalda səhnə alacaq. Konserti həm BBC, həm də digər əcnəbi kanallar yayımlayacaq.

   Dünyaca məşhur musiqiçi DJ Devid Getta Bakıya gələcək. “Dreamexe Production Baku” tərəfindən təşkil edilən konsert proqramı may ayının 5-də \"Bakı Ekspo Mərkəzdə\" reallaşacaq.  Xatırladaq ki, Devid Getta Rihanna, Şakira və Madonna kimi müğənnilərlə  oxuduğu duetlər və “Titanium”, “Turn me on” kimi hitlərlə məşhurdur.

   Əməkdar artist Ədalət Şükürovun müğənniliklə yanaşı gözəl rəqs etdiyi də məlum olub. Belə ki, sənətçi əcnəbi bir xanımla salsa oynadığı zaman çəkdirdiyi şəkilləri sosial şəbəkədə paylaşıb.

   Müğənnilər Niyam Salami və Yaşar Cəlilovun duet oxuyacaqları ilə bağlı xəbər bəstəkar-ifaçı Ramal İsrafilovu qəzəbləndirib.  Səbəb isə müəllif kimi onun adının hallandırılmasıdır. Sənətçi: \"Yayılan məlumatda mənim Azər Şirinin sözlərinə \"Nağıl\" adlı mahnı yazdığım bildirilir. Məlumunuz olsun ki,  mən belə adda əsər bəstələməmişəm və bu səbəbdən istəmirəm ki, adım bu söhbətdə hallansın. Səslənib-səslənməməsindən asılı olmayaraq bütün mahnılarımı Müəllif Hüquqları Agentliyindən qeydiyyatdan keçirirəm.Əgər hansısa kompozisiyamın sözləri \"Nağıl\" adlı şeirin sözləri ilə dəyişdirilibsə, sonuna qədər gedib müəllif hüquqlarımı tələb edəcəyəm\"-deyə bildirib.

 

Səma Ələsgərova

 

Muz-Tv.az