Daha bir məşhur müğənni ölkəmizin qonağı olacaq

Şəhərimizə təşrif  buyuracaq məşhurlardan biri də Türkiyəli müğənni Murad Dalkılıçdır.

    Şəhərimizə təşrif  buyuracaq məşhurlardan biri də Türkiyəli müğənni Murad Dalkılıçdır. Sənətçi bu yay Bakıda konsert verəcək. Nahid Emiloğlunun təşkilatçılığı ilə baş tutacaq proqramda tamaşaçılara maraqlı şou və sürprizlər vəd olunur. 

   Əməkdar artist Lalə Məmmədova hit olan mahnısı “Bu şəhər ikimizə dar”a klip çəkdirəcək. Müğənni ekran işinin rejissorluğunu Ceyhun Kərimova həvalə edəcəyini deyib:“Klip üçün maraqlı ssenari hazırlamışıq. Burada tamaşaçılar məni tamam fərqli imicdə görəcəklər. “Bu şəhər ikimizə dar” mahnısı ilin hiti oldu. Klipin də ən az mahnı qədər bəyəniləcəyinə əminəm”.

   Ötən il mart ayının 27-də repçi Elşad Xose ilə ailə quran Oksana toy gününü unutmayıb. O, hisslərini “Facebook” profilində heyranları ilə bölüşüb. “O gün haqda yazmaq çətindir. Bilirəm ki, nəyin necə olmasına baxmayaraq, hər şey bir dəfəlik bitib. Amma bu tarix həyatımın ən xoşbəxt və unudulmaz günü idi. Və mən həmin tarixi heç vaxt unutmayacam. Soruşsanız niyə? Cavab verməyəcəm. Həyatda hər şey ötüb keçsə də, ürəkdə kiçik bir iz qoyur” – deyə Oksana yazıb.

   Ötən ay ailə həyatı quran müğənni Emma Ələkbərzadə xoşbəxt günlər yaşayır. Sənətçi həyat yoldaşı Emin bəylə çəkdirdiyi fotoları sosial şəbəkədə heyranaları ilə paylaşıb.

 

Sərvər Mehdiyev

 

Muz-Tv.az