Mənsum İbrahimov Habil Əliyevin fikirlərinə etiraz etdi

Ötən süjetlərimizdən birində xalq artisti Habil Əliyevin İlhamə Quliyeva və Nazpəri Dostəliyeva arasında yaşanan qalmaqala münasibətini diqqətinizə çatdırmışdıq. 

    Ötən süjetlərimizdən birində xalq artisti Habil Əliyevin İlhamə Quliyeva və Nazpəri Dostəliyeva arasında yaşanan qalmaqala münasibətini diqqətinizə çatdırmışdıq. Məlumat üçün qısaca bildirək ki, kamança ustası bu söz-söhbəti utanılası məsələ adlandıraraq ifaçılığın qadınlar üçün olmadığını və zərif cinsin sənəti qadınlaşdırdığını söyləmişdi. Elə biz də məhz bu məsələ ilə bağlı xalq artisti Mənsum İbrahimovun münasibətini öyrənmək istədik. Sənətkar üstüörtülü olsa da, Habil müəllimin sözləri ilə razılaşmadığını bildirib.

    Mənsum müəllim öz növbəsində iki xalq artisti arasında yaranan və hələ də davam edən bu qalmaqalın bitməsini arzuladığını vurğulayıb. Bundan əlavə, sənətkar yaradıcılığındakı yeniliklərdən danışmağı da unutmayıb. Daim ölkəmizi xaricdə layiqincə təmsil edən xalq artistimiz payız aylarında Macarıstanda muğam festivalı keçirəcəklərini də sözlərinə əlavə edib.

 

Səma Ələsgərova

Bəxtiyar Nəsirov

 

Muz-Tv.az