Maykl Ceksonun anası təşkilatçılardan 40 milyard dollar tələb etdi
Pop musiqinin kralı Maykl Ceksonun anası Ketrin Cekson ulduzun son konsertinin təşkilatçılarını məhkəməyə verərək, onlardan 40 milyard dollar tələb edib.
Pop musiqinin kralı Maykl Ceksonun anası Ketrin Cekson ulduzun son konsertinin təşkilatçılarını məhkəməyə verərək, onlardan 40 milyard dollar tələb edib. Təşkilatçı şirkət Ceksonun konsertini Londonda təşkil edib. Lakin tədbir alınmayıb. Ulduzun anası reallaşmayanbu konsertin kompensasiyası üçün 10 milyard dollar və musiqiçi sağ qalardısa, qazana biləcəyi 30 milyard dolları tələb edir. İlk məhkəmə prosesi aprelin 2-nə təyin edilib.
Dünyaca məşhur müğənni Rihannanın əşyalarını daşıyan avtobuslarda narkotik şöbənin əməkdaşları tərəfindən axtarış aparılıb. Xarici mətbuatın verdiyi xəbərə görə, Miçiqan və Kanada arasındakı sərhəddə polis tərəfindən saxlanılan nəqliyyat vasitələrində üzərində narkotik maddə olan şəxs saxlanılıb. Qeyd edək ki, ifaçı hadisə zamanı orada olmayıb.
Amerikalı gənc müğənni Mayli Sayrus repçi Snup Doqla birgə duet ifa edib. Ulduz kompozisiyanın tezliklə heyranlarının ixtiyarına veriləcəyini bildirib. Bundan başqa, trek Snup Doqqun gələcək albomunun çıxış mahnısı olacaq. Qeyd edək ki, Mayli Sayrus da hazırda yeni musiqi toplusu üzərində çalışır.
Məşhur rusiyalı Potap və Nastya cütlüyü “Vmeste” adlı kliplərinin çəkilişlərini tamamlayıb. Kollektivin rəsmi saytında müğənnilərin video çarx üçün ağır qrimləmə prosesinə məruz qaldığı bildirilib. Belə ki, duet üzvləri 70 yaşlı qocalara çevriliblər. Klipin süjet xəttinə görə, Potap və Nastya yaşlanan pop-ulduzları canlandırır. Musiqiçilər ifa etdikləri obrazların həyatdan götürüldüyünü qeyd ediblər. Ekran əsərinin çəkilişləri iki gün davam edib. Klipin rejissoru Oleq Borşevski və Potapdır.
Amerikalı müğənni Castin Timberleyk “Mirrors” mahnısına çəkilən yeni klipini təqdim edib. Qısametrajlı filmi xatırladan bu ekran əsəri ulduzun baba və nənəsinin bir-birlərinə olan sevgisindən bəhs edir. Onların nikahı 63 il davam edib. 8 dəqiqəlik video çarxda yaşlı cütlüyün həyat yolu əks olunub. Məşhur nəvə isə klipin yalnız sonunda görünür. Qeyd edək ki, “Youtube” kanalında 6 gündür yayınlanmasına baxmayaraq, artıq video çarx 10 milyondan çox izlənib.
Sahilə Aslanova
Muz-Tv.az