Müğənnilərimizdən yepyeni ifalar

Azərbaycan beynəlxalq turizm sərgisində təmsil olunacaq. Belarusun paytaxtı Minsk şəhərində keçiriləcək beynəlxalq sərgidə 

   Azərbaycan beynəlxalq turizm sərgisində təmsil olunacaq. Belarusun paytaxtı Minsk şəhərində keçiriləcək beynəlxalq sərgidə Azərbaycanın görməli yerləri, mədəni-tarixi abidələri, mehmanxana və turizm obyektləri rus və ingilis dillərində hazırlanmış müxtəlif adda broşür, buklet və CD-lər vasitəsilə təbliğ olunacaq. Həmçinin sərgidə ölkəmizdə fəaliyyət göstərən bir neçə turizm şirkətinin nümayəndələri də iştirak edəcək. Mədəniyyət və Turizm Nazirliyindən verdiyi məlumata görə, “Turbiznes” Beynəlxalq turizm sərgisi bu il oktyabrın 23-dən 26-dək keçiriləcək.

   Müğənni Ramal İsrafilov dayanmaq bilmir. Bir-birinin ardınca yeni mahnılar yazdıran sənətçi “Niyə” adlı daha bir hit mahnısını təqdim edib.Ritmik bəstənin sözləri Leyla Əmirovaya, musiqisi isə müğənninin özünə məxsusdur.

   Hazırda işləri ilə bağlı xaricdə olan müğənni Natavan Həbibi yeni mahnısını təqdim edib. Sənətçinin yeni hiti “Sus” adlanır. Səfərdən qayıtdıqdan sonra “Damlalar” bəstəsinə çəkdirdiyi klipi təqdim etməyi planlaşdıran Natavan daha bir neçə yeni mahnı üzərində çalışır. 

   uzun zamandır saçlarını sarı rəngə boyayan müğənni Günay İbrahimli imicində dəyişiklik edib. Ötən gün təqdim etdiyi qara saçlı iki fotosu fanatlarının geniş müzakirəsinə səbəb olub. Sənətçiyə bu düzümlə yanaşı, elə bir obraz verilib ki, pərəstişkarları buna biganə qala bilməyiblər. Bir qismi sənətçiyə sarı, bir qismi isə qara rəngin yaraşdığını bildirib. Günay isə imicini dəyişməkdə davam edəcəyini vurğulayıb.

 

Səma Ələsgərova

 

Muz-Tv.az