73 yaşlı ulduz yenidən ailə həyatı qurmağa hazırlaşır
Populyar türkiyəli müğənni Bengünün 5 ildir ki, birlikdə olduğu sevgilisi Akın Altandan ayrılmasının səbəbi məlum olub.
Populyar türkiyəli müğənni Bengünün 5 ildir ki, birlikdə olduğu sevgilisi Akın Altandan ayrılmasının səbəbi məlum olub. Belə ki, ifaçı xanımın azərbaycanlı bir iş adamı ilə sevgi münasibətləri yaşamağa başladığı iddia edilir. Bengü həmin şəxslə “Anlatacaklarım Var” adlı yeni albomunun hazırlığı dönəmində tanış olub. İş adamı musiqi toplusu üçün müğənniyə 100 min dollar yardım edib. Ifaçı ilə sevgi münasibətləri başlayandan sonra sözügedən biznesmen İstanbulun Sarıyer rayonunda ona bir ev də hədiyyə edib. Qeyd edək ki, Bengü Akın Altanla münasibətlərinə son qoyması ilə bağlı martın 11-də yazılı açıqlama yayıb.
Britaniyalı müğənni Adel Robbi Uilyamsla birlikdə duet ifa edəcək. Qərb mətbuatı sənətçilərin yaxın dost olduqlarını və bu layihə üzərində fevral ayından bəri çalışdıqlarını qeyd edib. Xatırladaq ki, Adel müsahibələrinin birində duetləri sevmədiyini, amma Uilyamsla məmnuniyyətlə bir mahnı ifa edə biləcəyini söyləyib.
Məşhur amerikalı müğənni Tina Törner tezliklə ailə həyatı qurmağa hazırlaşır.73 yaşlı ulduz Isveçrə vətəndaşlığı aldıqdan sonra 53 yaşlı alman prodüser Ervin Baxla evlənəcəyini elan edib. Qeyd edək ki, cütlük artıq 27 ildir sevgilidir və yalnız indi həyatlarını birləşdirmək qərarına gəlib. Bundan əvvəl Tina bir dəfə evli olub və nikah 16 il davam edib. Müğənni verdiyi müsahibələrin birində toy mərasimi barədə danışıb. Onun sözlərinə görə, bu özəl gündə bütün gələn qonaqlar ağ rəngli geyimlərdə olmalıdırlar. Nikah ulduzun isveçrədəki malikanəsində dağ peyzajlarının fonunda reallaşacaq.
Məşhur müğənni Lana Del Reydən sonra məşhur ətir markasının yeni üzü Beyons seçilib. Bir uşaq anası olan ulduzun reklam üçün böyük məbləğdə qonorar aldığı iddia edilir. Ifaçı hamiləlik dövründə 26 kiloqram kökəldiyini etiraf etmişdi. O, arıqlamaq üçün pəhriz saxladığını və makaron yemədiyini söyləyib.
Britni Spirs və yeni sevgilisi Devid Lukado uzun müddət münasibətlərini gizli saxlamağa çalışsa da bu yaxınlarda paparazzilərin hədəfinə tuş gəlib. Xoşbəxt cütlük marketdə əl-ələ dolaşarkən görülüb. Britninin yaxınları sevgililərin çox xoşbəxt olduqlarını və bu dəfə hər şeyin yaxşı getdiyini bildirib.
Yeni filminin çəkilişləri üçün Avstraliyaya gedən və film bitənə qədər sevgilisi Kristen Stüartla görüşməyəcəyini açıqlayan Robert Pattinson bir yaxın dostunun doğum gününə qatılmaq üçün Los Ancelesə dönüb. Sevgililər bu özəl gündə nəhayət görüşə biliblər. Qərb mətbuatının məlumatına görə, Stüartın uzun müddət davam edən ayrılıqdan sonra çox xoşbəxt olduğu nəzərlərdən yayınmayıb. Amma Pattinson onun bu diqqəti qarşısında təmkinli davranmağı seçib.
Sahilə Aslanova
Muz-Tv.az