Yerli müğənnilərimizdən isti xəbərlər

Xalq və estrada mahnılarının ifaçısı Mətanət Əsədova ağ gəlinlik geyinməyə hazırlaşır. 

    Xalq və estrada mahnılarının ifaçısı Mətanət Əsədova ağ gəlinlik geyinməyə hazırlaşır. Müğənni: “Ailə həyatı qururam, özü də bunu reklam xatirinə etməyəcəm. Nişanlım hazırda xaricdədir. Bakıya qayıdan kimi evlənəcəyik. Bu toy çox böyük səs-küyə səbəb olacaq. Jurnalistlərə qadağa qoyulmayacaq. Odur ki, bu xoş günümü səbirsizliklə gözləyin”-deyə açıqlama verib.

    Əməkdar artist Aygün Bəylər və gənc müğənni Mirkamil Kamilov duet oxuyublar.Duet üçün Türkiyənin məşhur sənətçisi Funda  Ararın repertuarından “Anmam adını” mahnısı seçən cütluk mahnını tam fərqli aranjemanda ifa ediblər. Əsərin aranjemanı Avropa ölkələrinin birində olunub. Xatırladaq ki, sözügedən mahnıya tezliklə klip də çəkiləcək.

    Müğənni Ayaz Qasımov uzun müddətdir arzusunda olduğu avtomobilinə qovuşub. Sənətçi özü üçün ağ rəngli bahalı maşın alıb. Ayaz yeni avtomobili ilə çəkdirdiyi fotoları sosial şəbəkələrin birində sevənləri ilə bölüşüb.

     Türkiyəli müğənni Əmrah Bakıya gəlib. Müğənninin Bakı səfərinin məqsədi rejissorluğunu etdiyi “Gəlməyən bahar” filminin təqdimat mərasiminə qatılmaqdır. Ifaçı Türkiyədə filmin çox bəyənildiyini, azərbaycanlı tamaşaçıların da düşüncələrinin onun üçün çox önəmli olduğunu söyləyib. Xatıraladaq ki, Nizami Kinoteatrında gerçəkləşəcək mərasimdən sonra müğənni Türkiyəyə geri dünəcək.

 

Səma Ələsgərova

 

Muz-Tv.az